Dua Ngaʼötö
14 Ba gafuriata, mate Gabia ba lakoʼo ia ba Mbanua Dawido,+ ba ononia Asa zi tobali razo fangalinia. Ba götönia, lasöndra waʼohahau dödö ba soi andrö ba zi fulu fakhe waʼara.
2 Ifalua zi sökhi ba satulö Asa föna Yehowa Lowalanginia. 3 Ihori fefu naha wanunu sumange lowalangi böʼö+ awö naha wamosumange,* ihori fefu gehomo niʼamoniʼö,*+ ba iʼobö döla-döla niʼamoniʼö.*+ 4 Baero daʼö, iʼoʼou niha Yehuda ba wangalui Yehowa Lowalangi ndra tuara hegöi ba wamalua Oroisa Moze awö gamakhoitania. 5 Idudugö fefu naha wamosumange* awö naha zumange somuhua+ ba mbanua Yehuda maʼasagörö, ba lö hadöi samadaö sagötö famatörönia. 6 Ifazökhi mbanua nifoʼöli ba Yehuda,+ börö me lö ametaʼuö ba soi daʼö ba lö hadöi sanuwö yaʼira ba zi hauga fakhe andrö, börö me ibeʼe khöra waʼohahau dödö Yehowa.+ 7 Imane khö Yehuda, ”Datahaogö mbanua andre ba tafazökhi göli awö maligenia,+ tafobawa göli ba tabeʼe mbaʼa-baʼa. Okhötada nasa soi andre börö me no taʼalui Lowalangida Yehowa. Taʼalui ia irege ibeʼe khöda waʼohahau dödö moroi ba nudu si so ba zi fasuida.” Aʼozu fefu nifazökhira andrö.+
8 So 300.000 zaradadu Asa moroi ba Yehuda solohe baluse sebua awö doho. Moroi khö Mbeniami, so 280.000 zaradadu sagabölö solohe baluse side-ide* ba fana sinali.*+
9 Iʼondrasi ira Sera niha Gaitiofia, iʼohe 1.000.000 zaradadu ba 300 gureta wasuwöta.+ Me ofeta ia ba Maresa,+ 10 ifaondragö ia Asa ba lafaʼoli ira ba wasuwöta ba Ndraso Zefata ba Maresa. 11 Ba muʼao Asa khö Lowalanginia Yehowa,+ ”He Yehowa, lö abua khöu ba wanolo niha sato hegöi niha si lö faʼabölö.+ Tolo ndraʼaga, he Yehowa Lowalangima, börö me maʼodaligö ndraʼugö+ ba fasuwö ndraʼaga khö ndra saradadu andre ba döimö.+ He Yehowa, yaʼugö Lowalangima. Böi tehegö möna niha ba wolawa yaʼugö.”+
12 Kala niha Gaitiofia ibeʼe Yehowa föna Asa faoma Yehuda ba moloi niha Gaitiofia.+ 13 Lö iböhöli Asa wolohi yaʼira ba fao ndra saradadunia wolohi ofeta ba Gerara,+ ahori mate niha Gaitiofia samösa lö sauri. Ihori ira Yehowa awö zaradadunia. Mangawuli niha Yehuda ba oya sibai gama-gama si no larabu. 14 Aefa daʼö, lakalaisi fefu mbanua si so ba zi fasui Gerara börö me ataʼu niha mbanua daʼö khö Yehowa. Larabu mbanua daʼö fefu börö me oya zi tola lahalö. 15 Lasuwö göi nose zanguri urifö ba oya laʼoloiʼö nambi, biri-biri, ba ondra. Aefa daʼö, mangawuli ira ba Yeruzalema.