Sinunö

2 Hana wa abu dödö ngawalö soi

Ba fangöngö-ngöngö dozi mado misa ba woʼangeragö si lö boto?+

 2 No mamaʼanö ndra razo ba gulidanö

Ba hasara dödö ndra samatörö+

Ba wolawa Yehowa hegöi nibayoininia.*+

 3 Lamane, ”Dataʼetuʼö rate niʼogunaʼöra ba wamöbö yaʼita

Ba taheta zinali andrö khöra!”

 4 Ba maʼiki dania zi dadao ba zorugo;

Iʼoʼaya ira Yehowa.

 5 Ba ginötö daʼö, fahuhuo ia si fao fönu

Ba ataʼu ira börö hola-hola wönunia andrö.

 6 Imane, ”No ufataro razo nifiligu+

Ba Ziona,+ hili niʼamoniʼö andrö khögu.”

 7 Ba ufatunö dania gangetula Yehowa;

Imane khögu, ”Onogu ndraʼugö;+

Iadaʼa tobali ndraʼo Amau.+

 8 Andrö khögu, ba ubeʼe dania khöu fefu soi tobali ondröitamö

Ba tobali okhötau fefu danö.+

 9 Örasa dania ira faoma siʼo siʼöli+

Ba öfufu ira simane bowoa tanö.”+

10 Börö daʼö miʼatua-tuaʼö ami, yaʼami razo-razo;

Ba mitema degu-tegu,* yaʼami sanguhuku ba gulidanö.

11 Mifosumange Yehowa si fao faʼataʼu,

Misuno ia si fao faʼahöli-höli dödö.

12 Mifosumange* nono andrö+ faböi mofönu Lowalangi*

Ba lö tehori ami,*+

Börö me alio sibai wönunia si hola-hola.