Famaʼeleʼö Nitema Yohane
13 Aefa daʼö, mozizio manö ia* ba zinga nasi.
Ba uʼila sageu gurifö samuʼi+ si tohare moroi ba nasi.+ Fitu högö gurifö daʼö, ba fulu dandrunia. Ero sambua dandrunia so dakula, ba no tesura ba högönia döi-töi sangoʼaya Lowalangi. 2 Urifö daʼö hulö simane harimo, ahenia hulö gahe mberua ba bawania simane bawa zingo. Ibeʼe khönia naga andrö+ waʼabölö, dadaoma, hegöi kuaso sabölö ebua.+
3 Ba uʼila sambua högönia hulö zi no irai göna sokho sebua si möi börö waʼamate, hizaʼi no döhö.+ Ahöli-höli dödö niha gulidanö ba laʼoʼö ia. 4 Mangalulu ira ba naga andrö börö me no ibeʼe kuaso khö gurifö samuʼi andrö. Mangalulu göi ira ba gurifö samuʼi daʼö ba lamane, ”Haniha zimane urifö samuʼi andre ba haniha zi barani wolawa yaʼia?” 5 Ba tebeʼe kuaso ba gurifö samuʼi andrö ba wayawasa hegöi ba wangoʼaya Lowalangi. Tebeʼe göi khönia kuaso ba wamalua somasi dödönia sagötö zi 42 waŵa waʼara.+ 6 Ibörögö wangoʼaya Lowalangi,+ töinia, nahiania, awö zowanua ba zorugo.+ 7 Tetehegö khönia wanuwö hegöi ba wokalaisi niha niʼamoniʼö.+ Tebeʼe göi khönia kuaso ba wamatörö ngawalö mado, banua, li, hegöi soi. 8 Mangalulu khönia fefu niha gulidanö. Iʼotarai me tumbu ngaʼötö niha gulidanö,* lö si tesura döi ndra niha daʼö ba gölu-gölu zura waʼauri+ niʼokhögö Nono Mbiri-biri si no irai mutaba.+
9 Si so talinga, yamuhaogö wamondrongo.+ 10 Na so niha niʼoloiʼö, ba hasambalö laʼoloiʼö ia dania. Na so zamunu niha faoma föda,* ba hasambalö labunu ia göi faoma föda.+ Andrö moguna waʼanau gölö+ hegöi famati+ ba niha niʼamoniʼö.+
11 Aefa daʼö, uʼila gurifö samuʼi tanö böʼö si tohare moroi tou ba danö. Dombua dandrunia hulö dandru nono mbiri-biri, hizaʼi fehedenia hulö wehede naga.+ 12 Iʼogunaʼö waʼabölö nibeʼe gurifö samuʼi siföföna,+ fönania. Ifatörö niha gulidanö enaʼö mangalulu ira ba gurifö samuʼi siföföna si no döhö moroi ba zokhonia sabölö-bölö.+ 13 Ifalua ngawalö dandra sahöli-höli dödö föna niha gulidanö ba itorugö galitö moroi ba mbanua.
14 Tetehegö khönia wamalua tandra sahöli-höli dödö föna gurifö samuʼi daʼö ba wamaelungu fefu niha gulidanö. Ifarou ira göi ba wamazökhi adu+ famaedo gurifö samuʼi andrö si no döhö moroi ba zokhonia si göna föda.+ 15 Tetehegö khönia ba wameʼe hanu-hanu* ba gurifö samuʼi andrö, irege tola fahuhuo nadu daʼö ba ifaretakö enaʼö labunu fefu niha si lö mangalulu khönia.
16 Ifaso fefu niha ba wanema tandra ba dangara kambölö mazui ba gangangora,+ he niha si toʼölö manö mazui niha si tehöngö, niha si kayo mazui si numana, ba niha niʼefaʼö mazui sawuyu. 17 Samösa lö si tola mowöli mazui mamawa na lö hadöi tandra daʼö, yaʼia döi+ gurifö samuʼi mazui numero döinia.+ 18 Haniha zi so faʼaboto ba dödö, yamuʼerai numero gurifö samuʼi andrö. Daʼö numero niha, numeronia 666.+ Ha niha si so faʼaboto ba dödö zangila eluahania.