Dua Ngaʼötö
16 Me no 36 fakhe mamatörö Asa, razo ndraono Gizaraʼeli sotöi Baesa,+ isuwö Yehuda ba ibörögö wamazökhi* Rama,+ enaʼö lö hadöi niha si möi baero mazui si möi bakha ba mbanua Asa razo Yehuda.+ 2 Andrö wa ihalö Asa wirö awö ganaʼa ba naha wangiröʼö harato ba nomo Yehowa+ hegöi ba gödo razo, ba ifaʼoheʼö daʼö khö Mbeni-hada razo Siria+ si toröi ba Ndramaseko. Imane Asa, 3 ”No fawuʼu li ita, ba no göi fawuʼu li namada. Ufaʼoheʼö khöu wirö ba anaʼa. Böi falua wawuʼusa limö khö Mbaesa razo ndraono Gizaraʼeli, enaʼö lö alua isuwö ndraʼo.”
4 Ifondrondrongo Beni-hada niwaʼö Razo Asa ba ifatenge gumandru zaradadunia ba wanuwö banua Gizaraʼeli. Lakalaisi Iyono,+ Dano,+ Habeli-maʼi, ba fefu naha wangiröʼö soguna ba mbanua Nafetali.+ 5 Me irongo daʼö Baesa, iʼanemaiʼö iböhöli wamazökhi* Rama ba iröi halöwö daʼö. 6 Aefa daʼö, ikaoni fefu niha Yehuda Razo Asa, lahalö gara awö geu niʼogunaʼö Mbaesa+ ba wamazökhi Rama.+ Iʼogunaʼö fefu daʼö Razo Asa ba wamazökhi* Geba+ hegöi Misefa.+
7 Samuza maʼökhö, mofanö Hanani+ sangiʼila andrö ba wangondrasi Asa razo Yehuda ba imane, ”Börö me öʼodaligö razo Siria, tenga Lowalangimö Yehowa, hasambalö aheta ba dangamö zaradadu razo Siria.+ 8 Hadia tenga no ato sibai zaradadu Gaitiofia hegöi Libia awö wa no oya gureta wasuwöta ba si fakudo khöra? Ba börö me öʼodaligö Yehowa, hasambalö ibeʼe ira ba dangau.+ 9 Ifaigi-faigi Yehowa gulidanö andre maʼasagörö,+ börö me omasi ia iforomaʼö waʼabölönia salahi niha samosumange yaʼia* soroi ba dödö.+ Hizaʼi, lö khöu faʼatua-tua ba nifaluamö andre. Iʼotarai iadaʼa, lö aetu-aetu fasuwö ndraʼugö.”+
10 Hizaʼi, abao dödö Asa khö zangiʼila andrö irege ibeʼe bakha ba gurunga.* Mofönu sibai ia wamondrongo fehede daʼö ba ibörögö ifakao ösa nono mbanuania. 11 Fefu zalua sanandrösa khö Asa iʼotarai wamobörö irugi awai, no tesura daʼö ba Mbuku Razo-Razo Yehuda hegöi Izaraʼeli.+
12 Me no 39 fakhe mamatörö Asa, göna ia fökhö ahe ba abölö-bölö wökhönia. Hewaʼae ba wökhö so ia, tenga Yehowa niʼaluinia, hizaʼi niha sameʼe dalu-dalu. 13 Ba gafuriata mate Asa*+ me no 41 fakhe mamatörö ia. 14 Lakoʼo ia ba lewatö fondrege zi sökhi si no irai ikhao me auri ia ba Mbanua Dawido.+ Lafadölö ia ba naha wemörö si no afönu fanikha famayoini hegöi fanikha somuhua si no mufili, nifazökhi moroi ba ngawalö wamaruka.+ Aefa daʼö, lafewuaʼö khönia galitö sebua sibai.*