Amaedola
23 Na fao ndraʼugö wemanga khö razo,
Haogö wamaigi ua samuza haniha zi fao khöu;
2 Na anani* ndraʼugö,
Ba faudugö rosö ba dölö-tölöu.*
3 Böi isö gönia sami-ami,
Faböi telimo ndraʼugö ba gö daʼö.
4 Böi eregesi dödöu ba wolohi faʼakayo.+
Böhöli ba falua si fao faʼaboto ba dödö.*
5 Awena sibai öʼila ia ba no taya,+
Faʼakayomö andrö ibologö gafinia hulö moyo ba muhombo ia ba dalu mbanua.+
Imane, ”Miʼa ba mibadu,” hizaʼi faböʼö niwaʼö mbawa ba faböʼö niwaʼö dödö.
8 Fefu zi no öʼa ba öʼutaʼö dania,
Ba zaya-zaya gölö fefu wanuno nifaluamö.
10 Böi fawuʼa nola si no muhonogöi iʼotarai mböröta,+
Mazui örabu nowi zi lö ama,
11 Börö me sabölö Zangoʼawögö* yaʼira;
Ba faʼawö ia khöra ba wolawa yaʼugö.+
12 Tema wamahaʼö soroi ba dödö
Ba fondrondrongo wehede satua-tua.
13 Böi taha wameʼe fotu ba ndraonou.*+
Na öbözi ia faoma ue ba lö mate ia.
14 Bözi ia faoma ue,
Ba wangefaʼö yaʼia moroi ba waʼamate.*
16 Na sindruhu niwaʼö mbeweu,
Ba omuso sibai dödögu.
17 Böi afökhö dödöu ba niha samalua horö,+
Hizaʼi ataʼufi Yehowa ero maʼökhö,+
18 Moharazaki dania ndraʼugö ba zi so miföna+
Ba lö aetu wanötönau.
19 Fondrondrongo yaʼugö onogu ba yaʼatua-tua ndraʼugö,
Faolo dödöu ba lala satulö.
20 Böi forudu ndraʼugö ba gotalua niha soya mamadu agu,+
Ba gotalua niha soluʼa-luʼa ba wemanga nagole,+
21 Aekhu ba waʼanumana dania zi mabu-mabu hegöi soluʼa-luʼa,+
Ba lua-lua zi mörö-mörö hatö nukha sagasika ifake.
22 Fondrondrongo li namau soʼono yaʼugö,
Ba böi ositengagö ninau börö me no atua ia.+
24 Omuso dödö zi samösa ama na sökhi gamuata nononia;
Ba owua-wua dödönia na atua-tua nononia.
25 Owua-wua dödö namau hegöi inau;
Omuso dödö ndra alawe soʼadonogö yaʼugö.
26 He onogu, fondrondrongo wehedegu soroi ba dödöu,
Ba yaʼomuso dödöu ba lala andrö khögu.+
27 Börö me hulö goho-koho sabakha ndra alawe sohorö-horö,
28 Manaro ia hulö zorabu;+
Ba monönö waʼato niha si faröi ibeʼe.
29 Haniha zi tefakao? Haniha zabu tödö?
Haniha zi fasoso? Haniha zangarö-ngarö?
Haniha zesokho lö börö-börö? Haniha zi mömbö-mömbö hörö?*
31 Böi faigi-faigi nagu na no oyo-oyo,
Na no takile ia ba mako ba waʼasökhi na mufahele ba dölö-tölö,
32 Lua-luania dania ba faʼusu hulö gulö,
Ba ituraʼö langu hulö gulö sobiso.
33 Oya ngawalö dania niʼila höröu,
Ba si fakuyu niwaʼö dödöu.+
34 Hulö niha si mörö ba dalu nasi ndraʼugö,
Simane niha si mörö ba döla-döla göfa.
35 Ömane dania, ”Labözi ndraʼo ba lö afökhö.
Lahawiaigö khögu hizaʼi olifudo.
Hawaʼara tö maoso ndraʼo?+
Ba ufuli zui ubadu.”*