Famaʼeleʼö Nitema Yohane
20 Ba uʼila malaʼika si möi mitou moroi ba zorugo, so ba dangania rate sebua awö nono kusi mbaho sabakha sibai.*+ 2 Iraʼu naga andrö+ yaʼia daʼö ulö satua+ nifotöi Afökha+ ba Satana+ ba irate 1.000 fakhe waʼara, 3 itiboʼö ba mbaho sabakha sibai,*+ ikusi ba ifotandro enaʼö lö ifaelungu niha saʼae irege alua zi 1.000 fakhe andrö. Aefa daʼö teʼefaʼö ia ba zi lö arara.+
4 Uʼila fefu dadaoma, awö niha si dadao ba daʼö, tebeʼe khöra kuaso ba wangetuʼö huku. Sindruhu, uʼila ndro niha nibubunu* börö me lafaduhuʼö Yesu ba laturiaigö Lowalangi. Yaʼira andrö niha si lö mangalulu ba gurifö samuʼi daʼö hegöi ba nadu andrö khönia. Lö göi omasi ira latema dandra ba gangangora hegöi ba dangara.+ Ifuli auri ira ba tobali razo awö Keriso+ ba zi 1.000 fakhe waʼara. 5 Daʼa wemaoso siföföna andrö.+ (Lö ifuli auri niha si no mate tanö böʼö+ irege alua zi 1.000 fakhe andrö.) 6 Yaʼahowu zogamö femaoso siföföna andrö ba teʼamoniʼö ira.+ Lö latörö saʼae waʼamate si mendrua.+ Tobali ira ere+ Lowalangi ba ere Keriso. Mamatörö ira tobali razo awö Yesu ba zi 1.000 fakhe waʼara.+
7 Na no alua zi 1.000 fakhe andrö, teʼefaʼö Zatana moroi ba gurungania. 8 Möi ia baero ba wamaelungu fefu soi ba zi öfa watalinga danö, yaʼia daʼö Gogi ba Magogi. Iʼowuloi ira ba wasuwöta. Ato sibai ira hulö waʼoya gawu ba zinga nasi. 9 Muzawili ira ba zi sagörö ulidanö ba wanuwö ose niha niʼamoniʼö hegöi banua niʼomasiʼö Lowalangi. Hizaʼi, iʼanemaiʼö tohare galitö moroi ba dalu mbanua ba wemanga yaʼira.+ 10 Tetiboʼö Gafökha samaelungu niha andrö ba mbaho alitö safönu balera. No tohöna so ba daʼö gurifö samuʼi+ hegöi samaʼeleʼö sofaya andrö.+ Tehuku* ira bongi maʼökhö irugi zi lö aetu.
11 Uʼila sambua dadaoma safusi sebua, ba no modadao Lowalangi ba daʼö.+ Taya gulidanö awö mbanua fönania ba lö oroma saʼae.+ 12 Ba uʼila niha si no mate si zizio föna dadaoma andrö, he niha si toʼölö manö hegöi niha si tehöngö ba tebokai fefu gölu-gölu zura. Hizaʼi, so gölu-gölu zura tanö böʼö nibokai, yaʼia daʼö gölu-gölu zura wangorifi.+ Muʼetuʼö hukuma niha si no mate moloʼö nisura ba gölu-gölu zura andrö, balazi gamuatara zamösana.+ 13 Ibeʼe baero niha si no mate andrö asi. Simanö göi waʼamate awö Lewatö,* labeʼe baero fefu niha si no mate. Tehuku fefu niha moloʼö amuatara zamösana.+ 14 Ba tetiboʼö waʼamate hegöi Lewatö* andrö ba mbaho alitö.+ Baho alitö+ andrö eluahania faʼamate si mendrua.+ 15 Baero daʼö, tetiboʼö ba mbaho alitö+ dozi niha si lö tesura töi ba zura wangorifi+ andrö.