Sinunö
Sinunö ba Wanösö Hili.
130 Khöu muʼao ndraʼo Yehowa na aetu wanötönagu.+
2 He Yehowa, fondrondrongo ligu.
Yaʼöbeʼe mbörö dalingau ba weʼaogu ba wangandrö fanolo.
5 Khö Yehowa manötöna ndraʼo, khönia udöna-döna;
Ubaloi daromalinia.
6 Ubaloi Yehowa si fao fanötöna,+
Töra moroi ba niha sanaro sombaloi faʼamoluo,+
Sindruhu, töra moroi ba niha sanaro sombaloi faʼamoluo.
7 Yalötebulö Gizaraʼeli ba wombaloi Yehowa,
Börö me lö faröi Yehowa ba wangoromaʼö faʼomasi,+
Ba so khönia waʼabölö sebua ba wangöhöli.
8 Ihöli fefu Gizaraʼeli moroi ba ngawalö zala si no lafalua.