Sangombakha
7 Abölö ebua mböli döi si sökhi* moroi ba wanikha si sökhi,+ ba abölö sökhi ngaluo waʼamate moroi ba ngaluo waʼatumbu. 2 Abölö sökhi na möi ba nomo niʼeʼesi si mate moroi na möi ba gowasa,+ börö me daʼö gamozua waʼauri niha fefu. Moguna laʼameʼegö tödö daʼa niha sauri. 3 Abölö sökhi waʼabu dödö moroi ba waʼiki,+ börö me ohahau dödö na mangerau mbawa.+ 4 Ba nomo niʼeʼesi si mate so dödö zatua-tua, hizaʼi tödö niha si bodo so ba nahia waʼomuso-muso dödö.*+
5 Abölö sökhi wamondrondrongo fanegu+ nifaʼema niha satua-tua moroi ba zinunö niha si bodo. 6 Faʼiki niha si bodo hulö zinanö sodoi sakhozi ba narö mbowoa.+ Zaya-zaya gölö göi daʼa. 7 Tola owöhö niha satua-tua börö wamakao, ba tefuyu dödö niha börö zölö-sölö.+
8 Sökhi wozu hadia ia moroi ba wamobörö. Abölö sökhi waʼebolo dödö moroi ba wayawasa.+ 9 Böi alio abao dödöu+ börö me ba narö doto niha si bodo so* waʼabao dödö.+
10 Böi ömane, ”Hana wa abölö sökhi götö föna moroi ba götö iadaʼa?” Tenga fanofu niha satua-tua wanofu daʼö.+
11 Sökhi waʼatua-tua si fao ondröita ba moguna daʼö ba niha sauri.* 12 Faʼatua-tua andrö möi folumöʼö,+ simane kefe tobali folumöʼö,+ hizaʼi faʼaboto ba dödö si fao faʼatua-tua moguna ia ba wondrorogö faʼauri zokhö yaʼia.+
13 Faigi hadia nifalua Lowalangi sindruhu. Haniha zi tola mangadölöʼö si no ibilaʼö?+ 14 Angeragö zi sökhi ba ngaluo si sökhi.+ Hizaʼi ba ngaluo safönu faʼabu dödö,* yaʼaboto ba dödöu wa itehegö alua zi dua ngaluo andrö+ Lowalangi irege tebai laʼila* niha hadia dania zalua khöra.+
15 No ahori uʼila fefu ba zi sandrohu faʼaurigu andre si tobali zaya-zaya gölö:+ Iʼotarai ba niha satulö si no mate hewaʼae na atulö waʼaurinia,+ ofeta ba niha si lö sökhi sanau noso hewaʼae niha si lö sökhi ia.+
16 Böi töra waʼatulömö+ mazui atua-tua sibai ndraʼugö öwaʼö,+ faböi öfakiko waʼaurimö samösa.+ 17 Böi töra waʼalösökhimö mazui faʼabodomö,+ faböi mate ndraʼugö fatua lö inötönia.+ 18 Si sökhinia, aroʼö wololohe famangelama si sambua ba böi efasi wamangelama si sambua tö.+ Niha sangataʼufi Lowalangi ifalua zi dombua ngawalö andrö.
19 Faʼatua-tua andrö zangabölöʼö niha sangokhögö faʼatua-tua töra moroi ba zi dafulu samatörö ba zi sambua banua.+ 20 Lö hadöi niha satulö ba gulidanö si lö mamalua si lö sökhi ba si lö irai mamalua horö.+
21 Böi tanö ba dödöu fefu ngawua wehede niha+ faböi iʼelifi ndraʼugö sawuyumö. 22 Öʼila samösa bakha ba dödöu wa asese göi öʼelifi niha böʼö.+
23 No ufareso fefu daʼa ba waʼatua-tuagu ba umane, ”Omasido na usöndra waʼatua-tua.” Hizaʼi tebai ukhamö. 24 Tebai ukhamö zi no so andrö ba abakha sibai. Haniha zi tola aboto ba dödö?+ 25 Uʼosambuaʼö dödögu enaʼö uʼila, ufareso, ba ufahaʼö ndraʼo ba waʼatua-tua ba gofu hadia ia mbörö. Omasido göi aboto ba dödögu waʼalösökhi niha si bodo ba faʼowöhö mowa niha si lö fangera-ngera.+ 26 Daʼa nisöndragu: Sabölö afeto moroi ba waʼamate yaʼia daʼö ira alawe si hulö guʼö samaʼuʼu, sangokhögö tödö si hulö ndriala zi fagai, ba tangania si hulö mbilagu niforate. Niha sangomusoiʼö tödö Lowalangi sindruhu, lö dania teʼala ia khö ndra alawe daʼö+ hizaʼi teʼala ibeʼe niha sebua horö.+
27 ”Faigi zi no usöndra,” iwaʼö sangowuloi andrö,+ ”uhaogö wamareso ero sambu-sambua ba wangai angetula, 28 hizaʼi niʼalu-aluigu andrö ba lö nisöndragu. Falukhado samösa ndra matua sadölö tödö ba gotalua zi saribu ira matua, hizaʼi samösa lö nisöndragu ndra alawe sadölö tödö ba gotalua zi saribu ira alawe. 29 Ha daʼa nisöndragu: Iʼadölöʼö dödö niha Lowalangi sindruhu,+ hizaʼi oya sibai laʼalui dahi-tahi.”+