Amaedola
1 Amaedola nifaʼanö Zelomo+ ono Dawido,+ razo ndraono Gizaraʼeli,+
2 Nisura enaʼö lasöndra* waʼatua-tua+ hegöi famahaʼö,*
Awö waʼaboto ba dödö sanandrösa ba wehede faʼatua-tua,
3 Ba wamahaʼö+ niha enaʼö so waʼaboto ba dödö,
Faʼaduhu,+ faʼatulö,+ ba fanörö sindruhu;*
4 Enaʼö isöndra waʼatua-tua+ niha sambö faʼaboto ba dödö;
Enaʼö isöndra waʼaboto ba dödö iraono si bohou ebua ba moʼera-era ia.+
5 Niha satua-tua, omasi ia ifondrondrongo ba oya ifahaʼö ia;+
Niha si so faʼaboto ba dödö, omasi ia iʼalui wanuturu lala si tefaudu+
6 Enaʼö aboto ba dödönia gamaedola hegöi duma-duma,*
Fehede niha satua-tua awö dahö-dahö nibeʼera.+
7 Böröta waʼatua-tua yaʼia daʼö fangataʼufi Yehowa.+
Ha niha si bodo zangaohasi ba dödö famahaʼö ba faʼatua-tua.+
10 He onogu, na ladönisi ndraʼugö niha sebua horö ba böi oʼö.+
11 Na lamane, ”Aine, fao khöma.
Datatarogö niha si lö sala.
Tafaʼuʼu ba tabunu ira* si tobali umbu waʼomuso dödöda.
12 Simane bawa Lewatö,* tatölö auri ira,
Tatölö auri simane niha si möi mitou ba lewatö.
13 Datarabu fefu gama-gamara sebua böli;
Tafönui nomoda gama-gama nirabu.
15 He onogu, böi fao khöra.
17 Lö hadöi eluaha na mufazökhi dandrawa ba niʼila-ila wofo.
18 Börö daʼö, labiniʼö ira ba wamunu* niha,
Manaro ira ba wangetuʼö noso niha.
19 Daʼö lala nifalua niha sangalui hare ba walimosa,
Ba daʼö göi zi möi famunura.+
20 Muʼao ba lala+ waʼatua-tua sindruhu.+
Terongo waʼebua linia ba newali.+
21 Muʼao ia misa ba watalinga* lala nitörö niha sato.
Imane ba mbawa göli mbanua,+
22 ”Yaʼami si lö faʼaboto ba dödö, hawaʼara tö nasa miʼomasiʼö zalua khömi andre?
Yaʼami sangoʼaya, hawaʼara tö nasa omasi ami mangoʼaya?
Ba yaʼami niha si bodo, hawaʼara tö nasa fatuwu ami waʼaboto ba dödö?+
23 Miʼameʼegö tödö wotu moroi khögu.*+
Ba ufaduwa dania waʼabölögu;
Ufatunö dania khömi wehedegu.+
24 Ukaoni-kaoni ami ba lö mifondrondrongo,
Uʼoroʼö dangagu, ba lö ba dödömi,+
25 Lö miʼameʼegö tödö mene-menegu
Ba mitimbagö wotu si otarai ndraʼo,
26 Maʼiki göi ndraʼo na göna ami famakao;
Uʼoʼaya ami na ataʼu ami,+
27 Ba ginötö tohare zataʼu ami si hulö mbade,
Ba göna khömi wamakao simane angi fuyu,
Ba ginötö göna ami abula dödö ba faʼatosasa.
28 Lakaoni-kaoni ndraʼo na luo daʼö ba lö utema lira;
Laʼalu-alui ndraʼo ba lö lasöndra ndraʼo,+
29 Börö me fatuwu khöra waʼaboto ba dödö+
Ba lö omasi ira laʼataʼufi Yehowa.+
30 Latimbagö mene-mene nibeʼegu;
Ba lö laʼandrö saohagölö wotu si otarai ndraʼo.
32 Mate dania niha si lö faʼatua-tua börö me molawa ira,
Ba tehori dania niha si bodo ba waʼabodora.