Sinunö

145 He Lowalangigu, Razogu, uʼalawaʼö ndraʼugö,+

Usuno döimö götö-götö waʼara.+

 2 Usuno ndraʼugö bongi maʼökhö;+

Usuno döimö götö-götö waʼara.+

 3 Abölö Yehowa andrö ba sinangea na musuno ia;+

Tebai nisuʼa* waʼabölönia.+

 4 Lasuno-suno halöwö dangamö ngaʼötö niha;

Ladunö-dunö nifaluamö sahöli-höli dödö.+

 5 Ladunö-dunö lakhömimö hegöi faʼasalawamö+

Ba uʼangerönusi halöwömö sahöli-höli dödö.

 6 Ladunö-dunö dania nifaluamö* sahöli-höli dödö,

Ba uturiaigö lakhömimö.

 7 Na latörö tödöra wa no fahöna waʼasökhi dödöu, labeʼe khöu wanuno simane idanö sangumbu,+

Ba omuso dödöra börö waʼatulömö.+

 8 Sahakhö tödö Yehowa andrö ba si sökhi böwö,+

Lö alio mofönu ba fahöna waʼomasi si lö faröi ba faʼatulö.+

 9 Sökhi dödö Yehowa ba niha fefu,+

Ahakhö dödönia fefu niwöwöinia.

10 He Yehowa, fefu niwöwöimö lafolakhömi ndraʼugö,+

Ba lasuno ndraʼugö ira enonimö si lö faröi.+

11 Laturiaigö dania lakhömi wamatörömö+

Ba ladunö-dunö waʼabölömö,+

ל [Lamed]

12 Enaʼö aboto ba dödö niha fefu nifaluamö sahöli-höli dödö+

Hegöi faʼebua wamatörömö solakhömi.+

13 Famatörömö irugi zi lö aetu,

Ba mamatörö ndraʼugö götö-götö waʼara.+

14 Niha sarakhagö alabu ituwuni ira Yehowa+

Ba iʼabölöʼö fefu niha si no aöndrö börö gabula dödö.+

15 Dozi hörö lafaigi ndraʼugö ba manötöna ira khöu;

Öbeʼe zoguna khöra ba ginötö si tefaudu.+

16 Öbokai dangamö

Ba öʼabusoiʼö fefu zauri somasi dödöra.+

17 Atulö Yehowa ba lalania andrö fefu+

Ba lö faröi ia ba ngawalö nifaluania.+

18 Ahatö Yehowa ba niha soʼangaröfili yaʼia,+

Siʼao khönia soroi ba dödö.*+

19 Iʼabusoiʼö fefu zomasi dödö niha sangataʼufi yaʼia;+

Ifondrondrongo na muʼao ira wangandrö fanolo ba iʼefaʼö ira.+

20 Irorogö Yehowa fefu niha sangomasiʼö yaʼia,+

Hizaʼi, ihori fefu niha si lö sökhi.+

21 Isuno Yehowa bawagu;+

Fefu zauri, yalasuno döinia niʼamoniʼö götö-götö waʼara.+