Sinunö

 2 So ba zi fasuinia lawuo hegöi faʼogömi-gömi;+

Faʼaduhu ba faʼatulö zi tobali dane-dane dadaomania.+

 3 Humola fönania galitö+

Daʼö zi manga fefu zi faʼudu ba zi fasuinia.+

 4 Ihagaini gulidanö gari mbanua andrö khönia;

Iʼila ulidanö ba manizi ia.+

 5 Mowöi hili simane lili* föna Yehowa,+

Föna Lowalangi samatörö ulidanö maʼasagörö.

 6 Talu mbanua zanutunö faʼatulönia,

Ba fefu soi laʼila lakhöminia.+

 7 Yateʼailasi fefu niha sanömba adu nifoe,+

Sohöni-höni lowalangira si lö eluaha.+

 8 Irongo Siona ba omuso dödönia;+

Owua-wua dödö mbanua* Yehuda

Börö gangetulamö, yaʼugö Yehowa.+

 9 He Yehowa, ha yaʼugö Wondrege Zalawa ba gulidanö maʼasagörö;

Abölö alawa ndraʼugö moroi ba lowalangi tanö böʼö.+

Irorogö waʼauri genoninia si lö faröi;+

Iʼefaʼö ira moroi ba danga* niha si lö sökhi.+

11 No tumbu haga ba niha satulö+

Ba faʼomuso dödö ba niha sadölö tödö.

12 Yaʼami niha satulö, miʼomusoiʼö dödömi börö Yehowa

Ba mifaʼema wangandrö saohagölö ba döinia niʼamoniʼö.*