Amaedola
4 Yaʼami iraonogu, mifondrondrongo wamahaʼö* zi samösa ama;+
Miʼameʼegö tödö enaʼö misöndra waʼaboto ba dödö,
2 Börö me ufahaʼö ami ba ngawalö zi sökhi;
4 Ifahaʼö ndraʼo ba imane, ”Yaʼötanö ba dödöu wehedegu andre.+
Oʼö goroisagu enaʼö ösöndra waʼauri.+
5 Alui waʼatua-tua ba alui waʼaboto ba dödö.+
Böi olifuʼögö ba böi holeʼö ndraʼugö moroi ba wehedegu.
6 Böi ositengagö waʼatua-tua ba tobali solumöʼö yaʼugö daʼö.
Omasiʼö ia ba tobali sondrorogö yaʼugö daʼö.
7 Faʼatua-tua zabölö moguna,*+ börö daʼö alui waʼatua-tua,
Ba moroi ba nisöndrau fefu, alui waʼaboto ba dödö.+
8 Ameʼegö tödö waʼatua-tua, ba iʼalawaʼö dania ndraʼugö.+
Daʼö mbörö wa lafosumange dania ndraʼugö börö me öʼaroʼö wololohe yaʼia.+
9 Ibeʼe dania ba högöu gama-gama si sökhi,
Ba ihaogö ndraʼugö faoma takula fondrege zi sökhi.”
10 Fondrondrongo yaʼugö onogu, ba temaʼö wamahaʼögu,
Enaʼö anau nosomö.+
12 Na mofanö ndraʼugö ba lö si tobali taha-tahamö;
Na fagohiʼö ba lö alabu ndraʼugö.
13 Olembai wamahaʼö; böi efasi.+
Rorogö daʼö, börö me fangorifiu.+
14 Böi aeʼe ba lala niha sebua horö,
Ba böi törö lala niha si lö sökhi.+
16 Lö laʼila mörö na lö lafalua zi lö sökhi.
Lö manuköu ira na lö hadöi nifakaora niha.
17 Amaedola roti khöra waʼalösökhi,
Ba hulö nagu khöra waʼafaito.
19 Lala niha si lö sökhi hulö zogömi-gömi;
Lö laʼila hadia mbörö wa manendre ira.
20 He onogu, ameʼegö tödö niwaʼögu;
Haogö wamondrondrongo fehedegu.*
21 Böi olifuʼögö daʼö fefu;
Iröʼö ia bakha ba hunö dödöu.+
22 Tobali faʼauri daʼö fefu ba niha sanöndra yaʼia+
Ba si tobali dalu-dalu ba mbotonia maʼasambua.
24 Heta ba mbeweu wehede si tefuyu,+
Ba aröuʼö khöu wehede falimosa.
25 Enaʼö adölö miföna nifaigi höröu,
Böi faigi gabera mazui kambölö.+
27 Böi holeʼö ndraʼugö ba gambölö mazui ba gabera.+
Aröuʼö gaheu moroi ba zi lö sökhi.