Yesaya
63 Haniha zi tohare moroi ba Gedomo,+
Si tohare moroi ba Mbosera+ samake nukha sohaga,*
Sangogunaʼö baru si sökhi,
Si no fahöna faʼabölö ba wanörö lala andrö?
”Yaʼo daʼö, Lowalangi sangumaʼö sindruhu,
Yaʼo zolohe fangorifi si fao faʼabölögu sebua.”
2 Hana wa no oyo mbarumö andrö,
Ba hana wa no hulö nukha niha sohundra-hundra naha wamera agu?+
3 ”Ha yaʼo zohundra-hundra bua nagu.
Lö hadöi moroi ba soi böʼö zi fao khögu.
Lö uböhöli wanguhundragö yaʼia si fao fönugu,+
Ba lö aetu uhundragö ia ba waʼabao dödögu andrö.
Tokana ndrora ba mbarugu,
Ba no utaʼunöi fefu mbarugu.
5 Ufakhölödo, hizaʼi lö hadöi sanolo;
Tokea ndraʼo börö me lö hadöi samarou tödö.
6 Uhundra-hundra soi böʼö ba wönugu andrö,
Mabu ira ubeʼe ba waʼabao dödögu+
Ba uduwagö ndrora ba danö.”
7 Ututunö waʼomasi si lö faröi niforomaʼö Yehowa,
Amuata Yehowa sinangea musuno,
Börö me no oya nifalua Yehowa khöda,+
Oya zi sökhi nifaluania ba ndraono Gizaraʼeli,
Moloʼö faʼahakhö dödönia hegöi faʼomasinia sebua si lö faröi.
8 Imane, ”Sindruhunia, yaʼira andrö ono mbanuagu, ono matua si lö faröi.”*+
Andrö wa tobali ia Sangorifi yaʼira.+
9 Me tosasa ira, ba tosasa göi ia.+
Ba möi malaʼika andrö si so fönania* ba wangorifi yaʼira.+
Börö waʼomasi ba faʼahakhö dödönia, andrö wa ihöli ira,*+
Me mböröta, yaʼia zamazawa ba sondrorogö yaʼira.+
10 Hizaʼi, mamadaö ira+ ba laʼafökhöiʼö dödönia.*+
11 Aefa daʼö, ifuli itörö tödöra zi no numalö,
Yaʼia daʼö ba götö Moze, enoninia. Lamane:
”Hezo Lowalangi sangeheta yaʼira moroi ba nasi+ si fao ndra kubalo mbiri-birinia?+
Hezo Lowalangi sameʼe ehehania niʼamoniʼö khö Moze?+
12 Hezo Lowalangi sangogunaʼö taʼionia sabölö ba wololohe tanga Moze kambölö,+
Lowalangi samabali idanö fönara+
Enaʼö tehöngö döinia sagötö faʼara?+
13 Hezo Lowalangi sondröniaʼö ono mbanuania ba wangötö asi sodulu,*
Irege lö manendre ira ba wofanöra,
Simane kudo ba danö si mate?*
14 Simane urifö si möi ba ndraso,
Simanö göi geheha Yehowa ba wolohe ono mbanuania ba naha wolombase.”+
15 Faigi moroi ba zorugo
Ba nehegö moroi ba nahiamö salawa, solakhömi* ba niʼamoniʼö.
No ötaha fefu daʼö moroi khögu.
16 Yaʼugö Namama;+
Hewaʼae lö iʼila ndraʼaga Aberahamo,
Ba lö ifaduhuʼö ndraʼaga Izaraʼeli,
He Yehowa, yaʼugö Namama,
17 He Yehowa, hana wa ötehegö elungu ndraʼaga moroi ba lalamö andrö?
Hana wa ötehegö abeʼe dödöma irege lö maʼataʼufi ndraʼugö?+
Fuliʼö khöma, salahi genonimö andrö,
Yaʼia daʼö ngawalö mado si no tobali okhötau.+
18 Ha ba zi sabata laʼokhögö danö andrö ono mbanuau niʼamoniʼö.
No lahundra-hundra naha niʼamoniʼö andrö khöu ira uduma.+
19 Börö me no ara tobali ndraʼaga simane niha si lö mamondrongo fehedeu,
Simane niha si lö irai mangotöigö töimö andrö.