Dua Tesalonika
2 Hizaʼi yaʼami ira talifusö, sanandrösa ba waʼatohare Zoʼaya yaʼita Yesu Keriso+ ba hawaʼara teʼowuloi ita khönia,+ maʼandrö khömi 2 enaʼö böi alio mangiwa dödömi mazui tokea ami na mirongo duria no tohare ngaluo Yehowa,*+ hewaʼae na hulö moroi khö Lowalangi* duria daʼö,+ mazui nirongomi ba niha, mazui nibasomi ba zura, hulö na yaʼaga zamaʼoheʼö.
3 Böi lafaelungu* ami niha gofu hewisa, börö me lö tohare ginötö andrö fatua lö oroma zondröi sindruhu+ ba tefaʼeleʼö niha sanawö huku,+ yaʼia daʼö ono waʼatekiko.+ 4 Yaʼia andrö udu sangebuaʼö yaʼia ba gotalua fefu nifotöi lowalangi mazui nifosumange niha, irege modadao ia ba gosali Lowalangi ba iforomaʼö föna zato wa yaʼia andrö lowalangi. 5 Hadia lö olifu ami wa asese uwaʼö khömi daʼa me fao nasa ndraʼo khömi?
6 Aboto ba dödömi iadaʼa haniha zombaʼagö enaʼö lö tefaʼeleʼö ia fatua lö irugi inötö. 7 Sindruhu sa, no toʼele zanawö huku si tobini andrö,+ hizaʼi tobini daʼö ha irege lö hadöi sombaʼagö andrö. 8 Aefa daʼö, tefaʼeleʼö dania zanawö huku andrö. Ihori ia Soʼaya Yesu faoma hanu-hanu ba mbawania+ ba tekiko ia na tohare Zoʼaya andrö.+ 9 Tohare zanawö huku andrö börö Zatana,+ sameʼe khönia kuaso ba wamalua halöwö safönu faʼabölö, ngawalö dandra hegöi sahöli-höli dödö si möi famaelungu,+ 10 awö ngawalö walimosa.+ Daʼö fefu zamaelungu niha nifakiko dania, si tobali sulö börö me lö latemaʼö zindruhu si möi fangorifira. 11 Daʼö mbörö wa itehegö elungu ira Lowalangi irege faduhu dödöra ba walimosa andrö,+ 12 enaʼö tehuku ira fefu börö me lö faduhu dödöra ba zindruhu, hizaʼi laʼomasiʼö waya.
13 Hewaʼae simanö, lö maböhöli wangandrö saohagölö khö Lowalangi börö ami, yaʼami ira talifusö niʼomasiʼö Yehowa.* Iʼotarai ba wamobörö no ifili ami Lowalangi+ enaʼö teʼorifi. Iʼamoniʼö ami+ ba gehehania börö me mamati ami ba zindruhu. 14 Ikaoni ami ba duria somuso dödö nituriaigöma khömi enaʼö tefolakhömi ami simane Soʼaya yaʼita Yesu Keriso.+ 15 Börö daʼö ira talifusö, miʼaroʼö ami+ ba böi miböhöli wamalua si no mafahaʼö khömi,+ he ba wehede hegöi ba zura nifaʼoheʼöma. 16 Soʼaya yaʼita Yesu Keriso hegöi Amada Lowalangi, sangomasiʼö yaʼita+ ba sameʼe khöda fondrara dödö si lö aetu-aetu ba fanötöna sohau-hau+ börö waʼasökhi dödönia sebua,* 17 yaʼibeʼe khömi wondrara dödö ba faʼabölö irege sökhi mbua-buami hegöi fehedemi.