Dua Timoteo
4 Uʼandrö khöu föna Lowalangi ba föna Keriso Yesu, sanguhuku+ niha sauri hegöi niha si no mate+ ba ginötö tohare ia+ ba Wamatörönia dania:+ 2 Yaʼowölö-ölö ndraʼugö wanuriaigö taromali,+ he na tefaudu ginötö he na löʼö. Beʼe wotu,+ famangelama, ba mene-mene si fao faʼebolo dödö ba faʼatua-tua ba wamahaʼö.+ 3 So dania ginötö wa lö saʼae omasi ira lafondrondrongo wamahaʼö sindruhu,+ lafalua zomasi dödöra zamösana. Laʼowuloi khöra zamahaʼö sanuno-nuno yaʼira enaʼö maoso dalingara.*+ 4 Labato wamondrondrongo sindruhu ba laʼameʼegö tödö huhuo si lö eluaha. 5 Ba yaʼugö, rorogö gera-erau ba ngawalö hadia ia, taögö ngawalö waʼatosasa,+ halö halöwö fanuriaigö* turia somuso dödö, ba foʼahonoa wamalua halöwöu khö Lowalangi.+
6 Hulö zumange nibadu ndraʼo nifaduwa ba naha zumange,+ ba no ahatö ginötö wangefaʼö yaʼo.+ 7 No uforege wamalua si sökhi,+ no fagohi ndraʼo irugi gamozua,+ ba no uforomaʼö wamati. 8 Iʼotarai iadaʼa, so dakula sindruhu nihenaigö khögu.+ Na luo daʼö, tohare Zoʼaya, sanguhuku satulö,+ ibeʼe khögu mbuala,+ ba tenga ha khögu, ibeʼe göi ba niha fefu sanötöna faʼatoʼelenia.
9 Odödögö weʼamöi khögu ba waʼalio. 10 No iröi ndraʼo Dema+ börö me iʼomasiʼö gulidanö ba götö* daʼa, ba no möi ia ba Desalonika, Kereke möi ba Galatia, ba Tito numalö ba Dalamatia. 11 Ha Luka zi fao khögu. Ohe Mareko, börö me yaʼia zanolo yaʼo ba halöwögu khö Lowalangi. 12 No ufatenge Tikhiko+ ba Nefeso. 13 Na möiʼö ba daʼa, ohe mbarugu sebua si no uröi ba Deroa ba nomo Garafo, hegöi gölu-gölu zura, mendrua manö nifazökhi ba guli gurifö.*
14 Ifakao sibai ndraʼo Alesandro, tuka tembaga andrö. Hasambalö isulöni khönia Yehowa* moloʼö nifaluania.+ 15 Angelama khönia börö me iforege wolawa turia nifaʼemada.
16 Me ubuʼa ba hulugu niböbögö khögu ba wamobörö, samösa lö si faʼawö khögu. Laröi ndraʼo fefu. Yaʼibologö dödönia khöra Lowalangi ba nifaluara andrö. 17 Faʼawö khögu Zoʼaya ba ibeʼe khögu waʼabölö, enaʼö ba khögu andre tola teʼasiwai wangombakha turia somuso dödö ba larongo fefu soi.+ No teʼefaʼö ndraʼo ba mbawa zingo.+ 18 Iʼefaʼö ndraʼo Soʼaya moroi ba ngawalö zi lö sökhi, iʼorifi ndraʼo ba Wamatörö zorugo andrö.+ Khönia lakhömi irugi zi lö aetu. Yaduhu.
19 Faʼema wangowaigu khö Werikila ba Akila,+ hegöi ösi nomo Onesiforo.+
20 Toröi ba Gorindro Geraso,+ hizaʼi no uröi Derofimo+ ba Miletusi börö me mofökhö ia. 21 Odödögö wondrugi daʼa fatua lö baŵa deu.
Iʼowai ndraʼugö Oibulo, simanö göi Wudeo, Lino, Kalaudia, ba fefu dalifusö tanö böʼö.
22 Yafao khömi Zoʼaya börö waʼowölö-ölö niforomaʼömi, ba yamitema waʼasökhi dödönia sebua.*