1 Moze
20 Ifawuʼa nosenia Aberahamo numalö ia+ ba danö Negebi ba toröi ia ba gotalua Gadesi+ faoma Zuri.+ Me toröi ia* ba Gerara,+ 2 sakali tö iwaʼö Aberahamo wa Sara andrö akhinia.+ Andrö ifatenge niha Abimelekhi razo Gerara enaʼö laʼohe khönia Zara.+ 3 Samuza inötö me ba zi bongi, fahuhuo Lowalangi khö Gabimelekhi ba wangifi, ”Si mate dania ndraʼugö börö ndra alawe nihalömö andrö.+ Yaʼia andrö no so woʼomonia.”*+ 4 Hewaʼae simanö, lö nibabaya Gabimelekhi ia.* Börö daʼö imane, ”He Yehowa, hadia öbunu soi si lö olalöwa? 5 Ira matua daʼö zangumaʼö wa akhinia ndra alawe daʼa. Imane göi ira alawe daʼa wa gaʼania ndra matua daʼö. Lö tödögu khönia wamalua si lö sökhi ba lö fasala ndraʼo.” 6 Imane khönia Lowalangi sindruhu ba wangifi andrö, ”Uʼila wa lö hadöi si lö sökhi ba dödöu, andrö wa utaha ndraʼugö enaʼö lö öbabaya ia faböi mosala ndraʼugö khögu. 7 Iadaʼa, fangawuli woʼomo niha daʼö. Samaʼeleʼö ia+ ba tola dania mangandrö ia salahiu+ enaʼö lö mate ndraʼugö. Na lö öfangawuli ba hasambalö mate ndraʼugö awö nösi nomou.”
8 Ba maoso Gabimelekhi me sihulö wongi sibai, ikaoni fefu zawuyunia ifatunö khöra zalua ba oi so waʼataʼura. 9 Lö ara, ifakaoniʼö Gaberahamo andrö Abimelekhi imane, ”Hana wa öfalua khögu daʼa? Hadia horöma khöu irege öʼasogö khögu horö sebua hegöi ba mbanua nifatörögu? Lö atulö nifaluamö andre.” 10 Ba manofu Gabimelekhi khö Gaberahamo, ”Hadia geluaha wa öfalua daʼö?”+ 11 Imane Aberahamo, ”Wa ufalua daʼa, uwalingagö lö laʼataʼufi Lowalangi banua daʼa ba labunu ndraʼo enaʼö tola lahalö woʼomogu.+ 12 Sindruhu göi wa akhigu ia. Ha sambua namama ba faböʼö nina, ba no uhalö ia tobali foʼomogu.+ 13 Me iwaʼö khögu Lowalangi ba wondröi omo namagu,+ uʼandrö khönia enaʼö iforomaʼö khögu waʼomasinia si lö faröi gofu hezo möi ndraʼaga, ifaduhuʼö ba niha wa gaʼania ndraʼodo.”+
14 Ba mamuala Gabimelekhi khö Gaberahamo ibeʼe mbiri-biri, sawi, simanö göi zawuyu ira alawe ba sawuyu ira matua. Aefa daʼö, ifangawuli Zara foʼomo Gaberahamo. 15 Imane nasa Abimelekhi, ”Tola toröi ndraʼugö ba danögu. Fili hezo nahia somasiʼö.” 16 Imane khö Zara, ”No ubeʼe khö gaʼamö zi 1.000 firö.+ Daʼö dandra ba niha si fao khöu fefu hegöi ba niha böʼö wa lö nibabaya ndraʼugö ba lö hadöi salamö.” 17 Ba mangandrö Gaberahamo irege ifadöhö Gabimelekhi Lowalangi sindruhu hegöi foʼomonia awö zawuyunia ira alawe, ba moʼono ira. 18 Ba zilalö, lö itehe Yehowa moʼono* ndra alawe si so ba gödo razo khö Gabimelekhi börö Zara andrö foʼomo Gaberahamo.+