Sinunö

Arakhagö lehetö dölagu börö waʼedönagu khöu

Ba danö soköli ba si lö sinanö, si lö idanö.+

 2 Daʼö mbörö wa ufaigi ndraʼugö ba nahia niʼamoniʼö;

Uʼila waʼabölöu hegöi lakhömiu.+

 3 Börö me abölö sökhi waʼomasimö si lö faröi moroi ba waʼauri,+

Usuno ndraʼugö faoma bewegu.+

 4 Usuno ndraʼugö sandrohu faʼaurigu;

Ba mangandrö ndraʼo ba wogaoni töimö.

 5 No öʼabusoiʼö ndraʼo si sökhi ba fondrege zi sökhi,

Andrö manunö mbewegu ba isuno ndraʼugö bawagu.+

 6 Itörö tödögu ndraʼugö ba naha wemörögu;

Uʼangeragö ndraʼugö ba zi talu mbongi.+

 7 Börö me yaʼugö zanolo yaʼo,+

Ba usöndra waʼomuso dödö ba lumö gafimö.+

 8 Uʼoʼö ndraʼugö gofu hezo möiʼö;

Lö tebulö waʼaro dangau kambölö wololohe yaʼo.+

 9 Hizaʼi, niha sedöna mamunu yaʼo

Ba aekhu ira ba dögi lewatö fondrege zabakha.

10 Si mate ira ba mbawa wöda;

Asu gatua* dania zi manga yaʼia.

Dozi niha si möi ba hölu khö Lowalangi lasöndra waʼomuso dödö,

Börö me laduhö mbawa zi falimo.