Yesaya
45 Daʼa niwaʼö Yehowa khö Giro+ si no ifataro*
Si no igogohe tangania kambölö+
Ba wokalaisi soi böʼö fönania,+
Ba wangai fakake wasuwöta* razo-razo,
Ba wamokai bawandruhö fönania
Enaʼö lö saʼae muduhö mbawa göli:
Ududugö mbawandruhö tembaga,
Ba ufatö mbaʼa-baʼa siʼöli.+
3 Ubeʼe khöu harato si so ba nahia sogömi-gömi
Hegöi girö-girö si tobini si so ba nahia si lö laʼila niha,+
Enaʼö öʼila wa yaʼo Yehowa,
Lowalangi ndraono Gizaraʼeli, sogaoni töimö.+
4 Börö genonigu Yakobo hegöi Izaraʼeli si no ufili,
Ukaoni döimö.
Ubeʼe khöu döi si sökhi hewaʼae lö öʼila haniha ndraʼo.
5 Yaʼo Yehowa lö hadöi tanö böʼö.
Lö hadöi Lowalangi böʼö baero ndraʼo.+
Uʼabölöʼö ndraʼugö* hewaʼae lö öʼila haniha ndraʼo.
6 Enaʼö aboto ba dödö niha
Wa lö hadöi Lowalangi böʼö baero ndraʼo
Iʼotarai gatumbukha irugi ba gaekhula.+
Yaʼo Yehowa, lö hadöi Lowalangi tanö böʼö baero ndraʼo.+
7 Yaʼo zamazökhi haga+ ba faʼogömi-gömi,+
Yaʼo zangaʼasogö faʼatulö+ ba famakao;+
Yaʼo Yehowa zamalua daʼö fefu.
8 He yaʼugö banua, torugö deu moroi ba lawuo;+
Torugö deu faʼatulö ba wombasöi ulidanö.
Yamaoso gulidanö, ba ifoliwiö wangorifi hegöi faʼatulö,
Enaʼö faoma tumbu.+
Yaʼo Yehowa zamalua daʼö fefu.”
9 Alai niha solawa Samazökhi yaʼia,
Börö me no amaedola dambu laʼuri si no aboto,
Ba gotalua dambu laʼuri saboto tanö böʼö!
Hadia sinangea iwaʼö tambu laʼuri ba Zamöbözi* yaʼia, ”Hadia nifaluamö?”+
Mazui sinangea iwaʼö nifazökhinia andrö, ”Lö onekheʼö wamazökhi”?*
10 Alai niha sanofu khö namania, ”Hana wa tobaliʼö amagu?”
Ba khö ninania, ”Hana wa öʼadonogö ndraʼo?”
11 Daʼa niwaʼö Yehowa Niʼamoniʼö andrö Lowalangi ndraono Gizaraʼeli,+ Lowalangi samazökhi yaʼia:
”Hadia öʼaombösi tödö ndraʼo ba zalua ba zi so miföna
Ba öfaso ndraʼo sanandrösa ba ndraonogu+ hegöi ba halöwö dangagu?
12 Yaʼo zamazökhi tanö+ hegöi niha ba gulidanö.+
13 ”Börö me satulö ndraʼo, ufatenge niha andrö,+
Ba uʼadölöʼö lala nitörönia.
Yaʼia dania zamazökhi banuagu+
Ba sangefaʼö ono mbanuagu si no muʼoloiʼö.+ Lö iʼandrö gefe ba lö itema zölö-sölö,”+ iwaʼö Yehowa samatörö saradadu zorugo.
14 Daʼa niwaʼö Yehowa:
”Tobali dania okhötau hare* nitema niha Miserai awö gama-gama niʼamawa niha* Gaitiofia.
Ba möi khöu dania niha Zaba sagalawa.
Mowaö-waö ira furimö, no murate ira.
Tohare ira ba latuhi danö fönau,+
Ba lamane si fao famosumange, ’Sindruhu wa no fao khöu Lowalangi,+
Lö hadöi tanö böʼö; lö hadöi Lowalangi böʼö baero ia.’”
15 Sindruhu wa Lowalangi ndraono Gizaraʼeli ndraʼugö, Sangefaʼö+ ono mbanuamö.
Yaʼugö Lowalangi saminiʼö ngawalö lala andrö khöu.
16 Teʼailasi ira fefu ba laʼoʼaya;
Mofanö zamazökhi adu andrö fefu si fao faʼaila.+
17 Hizaʼi, iʼorifi dania ndraono Gizaraʼeli Yehowa sagötö faʼara.+
Lö teʼailasi ami mazui laʼoʼaya irugi zi lö aetu.+
18 Daʼa niwaʼö Yehowa,
Somböi banua si yawa,+ Lowalangi sindruhu,
Samazökhi ulidanö, Lowalangi somböi ba sangaʼaroʼö ulidanö,+
Tenga si lö eluaha wamazökhinia daʼö,* hizaʼi enaʼö mowanua niha ba daʼö:+
”Yaʼo Yehowa, lö hadöi tanö böʼö.
19 Tenga ba nahia si tobini fahuhuo ndraʼo,+ ba mbanua sogömi-gömi;
Lö umane ba ngaʼötö Yakobo,
’Alui ndraʼo, hewaʼae zaya-zaya gölö daʼö.’
Yaʼo Yehowa Lowalangi sangumaʼö sindruhu ba sangombakha satulö.+
20 He yaʼami si no moloi ba soi böʼö,
Miʼowuloi ba mifahatö ami.+
Niha solohe adu andrö, lö laʼila hadia ia.
Mangandrö ira khö lowalangi si tebai mangefaʼö yaʼira.+
21 Mifahuhuo ba mifaʼema hadia zi tola mangoʼawögö yaʼami.
Mihalö wahasara dödö.
Haniha zangombakha daʼa khömi me mböröta,
Ba samatunö yaʼia iʼotarai mböröta danö?
Hadia tenga no yaʼo, Yehowa?
Lö hadöi Lowalangi böʼö baero ndraʼo;
Lowalangi satulö ba Sangorifi,+ lö hadöi tanö böʼö baero ndraʼo.+
22 He yaʼami si so ba gulidanö, mifuli ami khögu enaʼö teʼorifi ami,+
Börö me yaʼo Lowalangi, lö hadöi tanö böʼö.+
Dozi niha dania latuhi danö fönagu,
Ba fahölu fefu niha wa lö faröi ira khögu+
24 Ba lamane, ’Sindruhu-ndruhu ha Yehowa zatulö ba sabölö.
Si fao faʼaila dania tohare fönania fefu niha sofönu khönia.
25 Börö Yehowa wa atulö fefu ngaʼötö Gizaraʼeli,+
Ba omuso-muso dödöra börö ia.’”