Sinunö

26 He Yehowa, falua khögu waʼatulö börö me lö faröi ndraʼo;+

Khö Yehowa faduhu dödögu ba maʼifu lö mangiwa ndraʼo.+

 2 He Yehowa, fareso ndraʼo ba sekhegö dödögu;

Haogö gera-eragu fondrege zabakha* hegöi tödögu.+

 3 Uhaogö wanöngöni faʼomasimö si lö faröi,

Ba utörö lalamö satulö andrö.+

 4 Lö fariawö ndraʼo* ba niha si falimo,+

Ba uʼaröuʼö ndraʼo ba niha saminiʼö haniha ia zindruhunia.*

 5 Fatuwu ndraʼo ba wariawösa ba niha sebua horö,+

Ba lö omasido fahuwu* ba niha si lö sökhi.+

 6 Usasai dangagu tandra wa lö fasala ndraʼo,

Ba ufasui naha wanunu sumange khöu, yaʼugö Yehowa,

 7 Ba wamarongogö fangandrö saohagölö,+

Ba wamatunö fefu nifaluamö sahöli-höli dödö.

 8 He Yehowa, uʼomasiʼö nahia waʼatoröimö,+

Nahia lakhömimö andrö.+

 9 Böi faogö ndraʼo ba wangohori niha sebua horö;+

Böi heta nosogu fao ba niha safaito,*

10 Samalua amuata si möi fangaila,

Ba safönu tangania kambölö kefe sölö-sölö.

12 Ba danö saloʼo mozizio ndraʼo;+

Usuno Yehowa ba gotalua nono mbanuania sato.+