Sinunö
Sinunö ngenu-ngenu Dawido khö Yehowa sanandrösa ba wehede Gusi niha Mbeniami.
7 He Yehowa Lowalangigu, khöu ulumöʼö ndraʼo.+
Efaʼö ndraʼo ba danga niha samakao yaʼo ba orifi ndraʼo.+
2 Na löʼö, ba lasasawi ndraʼo simane singo,+
Lasöbi ndraʼo ba lö hadöi sanolo.
3 He Yehowa Lowalangigu, na sindruhu fasala ndraʼo,
Na lö ufalua zatulö,
4 Na lö sökhi ndraʼo ba niha si sökhi tödö khögu,+
Mazui urabu zi faʼudu khögu ba zomasi dödögu,*
5 Yaʼigohi ba iraʼu ndraʼo si faʼudu khögu;
Yaʼihundra-hundra ndraʼo irege mate
Si tegaölö tou ba danö ba waʼaila. (Sela)
6 Faoso yaʼugö Yehowa, foromaʼö wönumö;
Fazawaʼö ba wolawa fönu zi faʼudu khögu;+
Tolo ndraʼo ba falua waʼatulö.+
7 Yalafaʼuʼu ndraʼugö fefu soi;
Ba ösuwö dania ira moroi ba nahia salawa.
8 Yehowa dania zanguhuku fefu soi.+
He Yehowa, etuʼö khögu huku moloʼö amuatagu satulö
Ba moloʼö faʼalöfaröigu.+
9 Uʼandrö khöu, batogö gamuata niha si lö sökhi.
Ba lumöʼö lala niha satulö,+
Börö me yaʼugö Lowalangi satulö,+ samareso tödö+ hegöi era-era fondrege zabakha.*+
10 Balusegu Lowalangi,+ Sangorifi niha sadölö tödö.+
13 Ifaʼanö wangönania si möi famunu;
Ihaogö wangefasi ono wanania soʼalitö.+
14 Faigi niha soʼadonogö si lö sökhi;
Manabina ia faʼatosasa ba iʼadonogö waya.+
15 Iʼabakhaʼö wogao tögi,
Hizaʼi, alabu ia ba dögi nikhaonia andrö.+
16 Khönia göna gabula dödö niʼera-erania samösa;+
Mangawuli khönia waʼalösökhi nifaluania.