Amaedola
30 Oroisa sabölö moguna ba wehede Naguri ono Yake niwaʼönia khö Itieli, khö Itieli faoma Ukali.
2 Abölö bodo ndraʼo moroi ba niha böʼö,+
Ba lö khögu faʼaboto ba dödö sinangea laʼokhögö niha.
3 Lö nifahaʼögu yaʼo ba waʼatua-tua,
Ba lö khögu faʼaboto ba dödö sanandrösa khö Wondrege Niʼamoniʼö andrö.
4 Hadia öʼila: Haniha zi no möi ba zorugo ba aefa daʼö mangawuli ia tou?+
Haniha zi no irai mangowuloi angi ba laluʼania?
Haniha zi no irai molöwösi idanö ba mbarunia?+
Haniha zotatugöi* fefu balö danö?+
Haniha döinia ba haniha döi nononia?
5 Fefu wehede Lowalangi andrö ba no ohau-hau.+
Yaʼia zi tobali baluse ba niha solumöʼö yaʼira khönia.+
7 Dombua ngawalö niʼandrögu khöu.
Böi taha khögu daʼö fatua lö matedo.
8 Heta khögu walimosa ba faya.+
Böi fatörö khögu waʼanumana mazui faʼakayo.
Tehegö khögu wemanga tana gögu,+
9 Faböi uʼositengagö ndraʼugö na no abuso ndraʼo aefa daʼö umane, ”Haniha Yehowa andrö?”+
Böi lulu göi ndraʼo ba waʼanumana irege managödo ba uʼobousi* döi Lowalangigu.
10 Böi obousi zawuyu föna zokhö yaʼia,
Faböi iʼelifi ndraʼugö ba ötema lua-luania.+
11 So ngaʼötö sangelifi amania
Ba si lö mamosumange inania.+
12 So ngaʼötö sohau-hau ba wamaiginia samösa+
Hizaʼi lö nihaogö moroi ba zi taʼunö.
13 So ngaʼötö sangokhögö hörö si fayawa
Ba hörö fondrege zasiliyawa!+
14 So ngaʼötö soʼifö si hulö wöda,
Ba töla zimbinia hulö rosö fanaba;
Lahori niha nifakao ba gulidanö
Ba niha si numana ba gotalua zato.+
15 So dombua nono lita ono alawe lamane, ”Khögu! Khögu!”
Tölu ngawalö zi lö irai abuso,
Öfa ngawalö zi lö irai mangumaʼö, ”Obönö!”
16 Yaʼia daʼö Lewatö*+ ba talu si lö moʼono,
Tanö sambö idanö,
Ba alitö si lö irai mangumaʼö, ”Obönö!”
17 Niha* sangoʼaya amania ba solawa inania,+
Fofo gaga moroi ba ndraso dania zondrou hörönia irege möi baero,
Ba ono moyo zi manga nagolenia.+
18 So tölu ngawalö zi lö aboto ba dödögu,*
Ba öfa ngawalö zi lö ikhamö fangera-ngeragu:
19 Lala wohombo moyo ba dalu mbanua,
Lala wofanö gulö ba hili sokara,
Lala göfa ba dalu nasi sebolo,
Ba lala nono matua na fao ia ba nono alawe.
20 Simane daʼa gamuata ndra alawe somasi mohorö-horö:
Manga ia, iʼosi mbawania;
Aefa daʼö imane, ”Lö nifaluagu sala.”+
21 So tölu ngawalö zi tola mamadögö ulidanö,
Ba öfa ngawalö zi tebai itaha:
22 Na mamatörö zawuyu tobali razo,+
Na oya isöndra gönia niha si bodo,
23 Na möi nihalö ndra alawe si lö muʼomasiʼö,
Ba na tobali samatörö ndra alawe si möi sawuyu fangali zokhö yaʼia.+
24 So öfa ngawalö gurifö fondrege zide-ide ba gulidanö,
Hizaʼi, atua-tua sibai ira:+
28 Fakitö göʼö+ börö gahenia,
Ba möi ia ba nomo razo.
29 So tölu ngawalö mbeka sahöli-höli dödö,
Ba öfa ngawalö wofanö sahöli-höli dödö:
30 Singo, fondrege zabölö ba gotalua gurifö,
Si lö ataʼu hadia ia;+
31 Asu niʼohe weʼamöi malu; nambi si matua;
Ba razo si fao ira saradadunia.
32 Na öfalua gamuata faʼabodo ba ginötö fayawa ndraʼugö+
Mazui öʼera-era wamalua daʼö,
Duhö mbawamö faoma tangau.+
33 Simane susu na mufera, iʼasogö mentega,
Na muferaʼö nikhu ba kalua ndro,
Simane daʼö göi na muʼandrö wönu, tobali fasosota.+