Sinunö
Khö zondröniaʼö sinunö. Sinunö Dawido.
64 He Lowalangi, fondrondrongo wehedegu na uʼangaröfili ndraʼugö.+
Lumöʼö nosogu moroi ba nudu sametaʼu yaʼo.
2 Rorogö ndraʼo moroi ba wamaʼala niʼera-era niha si lö sökhi ba zi tobini,+
Moroi ba ngawawa niha safaito.
3 Laʼataröʼö lelara simane faʼatarö wöda;
Lahaogö wamaʼema fehede sagafökhö simane ono wana,
4 Ba wamana niha si sökhi moroi ba nahia si tobini;
Lö ataʼu ira ba wamana yaʼia ba zi lö idöna-döna.
5 Fatandro ira ba zi lö sökhi niʼera-erara;*
Lafatunö hewisa lala waminiʼö tandrawa.
Lamane, ”Hasambalö lö oroma daʼö.”+
6 Laʼalui lala si bohou ba wamalua sala;
Laʼera-era wamalua si lö sökhi ba zi lö laʼila niha;+
Dozi niha, abakha sibai gera-era hegöi tödöra.
7 Hizaʼi, ifana ira Lowalangi;+
Ba mesokho manö ira ba zi lö mudöna-döna.