Sinunö
Khö zondröniaʼö sinunö: Teʼodane-dane moloʼö ”Böi Fakiko”. Mikitama.* Sinunö Dawido ba ginötö moloi ia ba dögi narö hili, börö me igohi-gohi ia Saulo.+
57 Hakhösi tödö ndraʼo, yaʼugö Lowalangi, hakhösi tödö ndraʼo,
Börö me khöu ulumöʼö ndraʼo,+
Barö gafimö ulumöʼö ndraʼo irege taya fefu gabula dödögu.+
2 Muʼao ndraʼo khö Lowalangi Fondrege Zalawa,
Khö Lowalangi sindruhu, sangeheta fefu abula dödögu.
3 Ifaʼoheʼö wanolo moroi ba zorugo ba iʼefaʼö ndraʼo.+
Itenawa niha sanuwö yaʼo. (Sela)
Iforomaʼö Lowalangi waʼomasinia si lö faröi hegöi faʼaduhunia.*+
4 Lafasui ndraʼo singo;+
No adölö ndraʼo ba lö faʼabölögu ba gotalua niha sedöna mamakiko yaʼo,
Hulö doho awö wana niföra
Ba hulö nikhu gari satarö lelara.+
5 He Lowalangi, yateʼalawaʼö ndraʼugö töra moroi ba mbanua si yawa;
Yaʼinönöi gulidanö lakhömimö.+
Lakhao dögi ba wangekhugö yaʼo,
Hizaʼi yaʼira zaekhu bakha.+ (Sela)
7 Aro dödögu yaʼugö Lowalangi,+
Aro dödögu.
Manunö ndraʼo ba wanuno yaʼugö ba ufoli wakake zinunö.
8 Faoso yaʼugö tödögu.*
Faoso yaʼugö harafa ba fefu fakake zinunö nifosinali.
Ususugi dania waʼamoluo.+
9 He Yehowa, usuno ndraʼugö ba gotalua niha sato;+
10 Börö me ebua waʼomasimö si lö faröi, simane faʼalawa mbanua si yawa,+
Ba faʼalöfaröimö irugi dalu mbanua.
11 He Lowalangi, yateʼalawaʼö ndraʼugö töra moroi ba mbanua si yawa;
Yaʼinönöi gulidanö lakhömimö.+