Sinunö
Khö zondröniaʼö sinunö: Teʼodane-dane moloʼö ”Böi Fakiko”. Sinunö Dawido. Mikitama.*
58 Yaʼami ono niha, hadia tola midunö-dunö zindruhu na lö manö hede-hedemi?+
Hadia tola miʼetuʼö huku si fao faʼadölö dödö?+
3 Iʼotarai ba dalu, no tekiko niha si lö sökhi;
Iʼotarai me tumbu, no elungu ira ba omasi falimo.
4 Hulö mbiso gulö mbisora;+
Afiso ira simane daritö sondruhö talingania.
5 Lö irongo li zanaka yaʼia ulö daritö,
Gofu hewisa waʼabölö gelemunia.
6 He Lowalangi, deha niföra irege aheta!
He Yehowa, fakiko zimbi zingo andrö!
7 Enaʼö taya ira simane idanö sangele;
Yaʼifaöndrö* wana sinalinia Lowalangi ba yatobali fangekhugöra tou.
8 Yahulö keo ira sangulu na mofanö;
Simane ono sawuyu si mate fatua lö tumbu, si lö irai mangila haga luo.
9 Fatua lö aukhu mbalanga khömi ba duturu geu nifohola,
Ba no iwuwusi fefu ndraha daʼö Lowalangi, he sabasö hegöi si hola-hola, simane angi sabölö-bölö.+
10 Omuso dödö niha satulö na iʼila wolau balö andrö ba niha si lö sökhi;+
Alömö gahenia ba ndro zebua horö.+
11 Ba imane niha, ”Hasambalö itema luonia niha satulö.+
Sindruhu wa so Lowalangi si tobali sanguhuku ba gulidanö.”+