Sinunö

142 Ebua ligu weʼao ba wangandrö fanolo khö Yehowa;+

Ebua ligu ba wangandrö faʼahakhö dödö khö Yehowa.

 2 Ufaehagö khönia zaombö-aombö dödögu;

Ba ututunö khönia gabula dödögu,+

 3 Na afatö dödögu.*

Ba lala nitörögu,

Labiniʼö dandrawa famaʼalagu.

 4 Fakhölöʼö ba zi fasuigu ba faigi

Lö soʼameʼegö tödö* yaʼo.+

Tebai moloido gofu hezo;+

Lö soʼangeragö yaʼo.

Umane, ”Yaʼugö khögu nahia folumöʼö,+

Ha yaʼugö niʼokhögögu* sandrohu faʼaurigu.”

 6 Fondrondrongo weʼaogu ba wangandrö fanolo,

Börö me aetu wanötönagu.

Efaʼö ndraʼo ba danga zamakao yaʼo,+

Börö me abölö ira moroi khögu.

 7 Heta ndraʼo moroi ba gurunga narö danö

Ba wanuno töimö.

Yalafasui ndraʼo ira niha satulö

Börö me si sökhi tödö ndraʼugö khögu.