Sinunö

5 He Yehowa, fondrondrongo wehedegu;+

Yaʼaboto ba dödöu wangarö-ngarögu.

 2 Beʼe mbörö dalingau ba weʼaogu,

He Razogu ba Lowalangigu, börö me khöu mangandrö ndraʼo.

 3 He Yehowa, öfondrondrongo dania wehedegu ba zihulö wongi;+

Ufaehagö khöu waʼaombö dödögu+ na sihulö wongi ba ubaloi wanema li.

 4 Tenga Lowalangi somasi si lö sökhi ndraʼugö;+

Samösa lö niha si lö sökhi si tola fao khöu.+

Fatuwu ndraʼugö fefu ba niha samalua si lö sökhi;+

 6 Öhori dania niha solau faya.+

 7 Hizaʼi, möi ndraʼo ba nomomö+ börö waʼebua waʼomasiu si lö faröi;+

Mangalulu ndraʼo ba gamaudu gosalimö niʼamoniʼö* si fao sumange.+

 8 He Yehowa, ohedo ba lala satulö andrö khöu börö me no ifasui ndraʼo si faʼudu khögu;

Tolo ndraʼo wanörö lalamö enaʼö lö manendredo.+

 9 Tebai mufaduhusi tödö wehedera;

Ösi dödöra ha si lö sökhi;

Hulö lewatö si no teboka mbawara;

Lazuno-zuno faoma lelara.*+

10 Hizaʼi, Lowalangi dania zangumaʼö wa fasala ira;

Alabu ira ba dandrawa nifazökhira.+

Yatefofanö ira ba waʼoya zala nifaluara,

Börö me lalawa ndraʼugö.

11 Ba omuso dödö niha na lalumöʼö ira khöu;+

Si lö tebulö waʼomuso dödöra.

Öbaʼagö niha somasi mamaʼala yaʼira,

Ba niha sangomasiʼö töimö, latema dania waʼomuso dödö börö ndraʼugö.

12 Öfahowuʼö dania niha satulö, yaʼugö Yehowa;

Simane baluse sebua, ölumöʼö niha sangomusoiʼö tödömö.+