Sinunö
Khö zondröniaʼö sinunö: Tefaudu moloʼö ”Bunga Lili si Tobali Famasugi ba Dödö.” Mikitama.* Sinunö Dawido. Ba wamahaʼö. Me fasuwö Dawido ba wolawa Aramo-naharai ba Aramo-Zoba, ba mangawuli furi Yoabi ikalaisi 12.000 niha Gedomo ba Ndraso Nasio.+
60 He Lowalangi, no ötimbagö ndraʼaga; ötölaʼö mbaʼa-baʼa folumöʼö khöma.+
Mofönu ndraʼugö khöma; ba maʼandrö khöu, tema ndraʼaga iadaʼa!
2 Yaʼugö zamadögö ulidanö; agasila öbeʼe.
Fuli haogö zagasilania börö me ibörögö adudu.
3 Ötehegö tefakao nono mbanuamö.
Öfabadugö khöma nagu irege mabu ndraʼaga.+
4 Beʼe* dandra ba niha sangataʼufi yaʼugö
Enaʼö moloi ba laholeʼö ira moroi ba wana. (Sela)
5 Enaʼö tola teʼefaʼö niha niʼomasiʼöu,
Efaʼö ndraʼaga faoma tangau kambölö ba fondrondrongo weʼaoma.+
6 No fahuhuo Lowalangi niʼamoniʼö,*
7 Tana khögu mbanua Gileadi andrö, simanö göi Manase,+
Eferai andrö ba folumöʼö* högögu;
Ba Yehuda andrö siʼo famatörögu.+
8 Naha wanasa khögu Moabi.+
Ufazaumba dania zandralagu khö Gedomo.+
Owua-wua dödögu ba waʼakala niha Wilisiti.”+
9 Haniha zolohe yaʼo ba mbanua nifaʼuʼu* andrö?
Haniha zamasao yaʼo ofeta ba Gedomo?+
10 He Lowalangi, hadia tenga yaʼugö zi no manimbagö yaʼaga?
He Lowalangima, hadia lö saʼae fao ndraʼugö khö ndra saradaduma?+
11 Tolo ndraʼaga ba ginötö tolazi dödöma,
Börö me zaya-zaya gölö wangorifi moroi ba niha.+