Ba Mbanua Niha Keriso ba Wilifi
1 Moroi khö Waulo hegöi Timoteo, sawuyu Yesu Keriso, mufanandrösa ba niha niʼamoniʼö fefu ba Wilifi+ si ha sambua ba khö Keriso Yesu hegöi khö ndra sondröniaʼö ba enoni.+
2 Yamitema waʼasökhi dödö sebua* ba faʼohahau dödö moroi khö Lowalangi, Amada, ba moroi khö Zoʼaya yaʼita Yesu Keriso.
3 Uʼandrö saohagölö khö Lowalangigu ero na itörö tödögu ami. 4 Lö mamalö-malö mangandrö ndraʼo salahimi si fao faʼomuso dödö,+ 5 börö dolo-tolo nibeʼemi ba* halöwö fanuriaigö turia somuso dödö, iʼotarai me awena mirongo irugi iadaʼa. 6 Faduhu dödögu wa itohugö wangasiwai+ Lowalangi halöwö si sökhi si no ibörögö ba waʼaurimi, na mangawuli Keriso Yesu dania.+ 7 Sinangea na so ba gera-eragu zimane daʼö ba khömi, börö me ba dödögu so ami. Lö si faröi ami khögu me so ndraʼo ba gurunga,+ ba taʼogunaʼö huku ba wamaduhuʼö turia somuso dödö irege faoma tarasoi waʼasökhi dödö sebua* moroi khö Lowalangi.+
8 Lowalangi zamaduhuʼö wa omasido sibai falukha khömi fefu, börö me uʼomasiʼö ami simane fangomasiʼö Keriso Yesu ami. 9 Lö uböhöli wangandrö enaʼö monönö waʼomasimi+ ba enaʼö miʼokhögö waʼaboto ba dödö+ si tefaudu hegöi fangera-ngera si sökhi,+ 10 enaʼö tola mitatugöi hadia zabölö moguna,+ irege lö mosinegu ami mazui tobali fangala ba wamati niha böʼö+ irege tohare Keriso. 11 Börö wanolo si otarai Yesu Keriso,+ itugu tedou ami ba wamalua satulö irege tesuno ba tefolakhömi Lowalangi.
12 Yaʼami ira talifusö, omasido na aboto ba dödömi hadia zi no utörö, sindruhunia no tobali fondrouʼö duria somuso dödö, 13 no laʼila fefu ira Sanaro Omo Razo hegöi niha böʼö+ wa no labeʼe ndraʼo ba gurunga+ börö Keriso. 14 Ato ndra talifusö sangai halöwö khö Zoʼaya, teʼaroʼö ira börö me no labeʼe ndraʼo ba gurunga, itugu barani ira wangombakha taromali Lowalangi, ba lö khöra faʼataʼu.
15 Sindruhu sa, so zanuriaigö sanandrösa khö Keriso börö waʼafökhö dödöra ba omasi fahulö, hizaʼi so göi zamalua daʼö soroi dödöra. 16 Niha safuria mutötöi andrö laturiaigö Keriso börö waʼomasira. Aboto ba dödöra wa yaʼo nituyu ba wangoʼawögö turia somuso dödö.+ 17 Hizaʼi, niha si oföna mutötöi andrö lafalua ia börö me omasi ira faʼudu, tenga soroi ba dödö. Omasi ira na tefakao ndraʼo ba gurunga. 18 Hadia lua-luania? Gofu hadia gohitö dödöra, soroi ba dödö mazui tenga, hasambalö teturiaigö Keriso, daʼa mbörö wa omuso dödögu. Ba monönö nasa waʼomuso dödögu 19 börö me uʼila wa teʼefaʼö ndraʼo börö wangandrömi+ ba fanolo geheha niʼamoniʼö moroi khö Yesu Keriso.+ 20 Manötöna ndraʼo ba faduhu sibai dödögu wa lö ailado. Börö me lö taha-tahagu ba wahuhuosa, tefolakhömi Keriso ba mbotogu iadaʼa, simane ba zilalö, hewaʼae auri mazui mate ndraʼo.+
21 Moloʼö yaʼo, faʼauri khögu Keriso+ ba hare khögu waʼamate.+ 22 Andrö, na anau nasa gölögu ba gulidanö andre,* oya menaʼö zi tola ufalua. Hizaʼi, lö ufatunö khömi hezo nifiligu. 23 Tebai ufili moroi ba gotalua zi dua ngawalö andre. Omasido usöndra wangefa ba fao ndraʼo khö Keriso+ börö me daʼa zabölö sökhi.+ 24 Hizaʼi, abölö moguna khömi na auri ndraʼo ba gulidanö andre. 25 Börö me faduhu dödögu daʼa, uʼila wa sauri nasa ndraʼo ba lö tebulö fao ita enaʼö tedou ba omuso dödömi börö wamati andrö, 26 irege na mangawuli ndraʼo khömi, monönö waʼomuso dödömi börö me soloʼö khö Keriso Yesu ami.
27 Mifaudugö mbua-buami ba duria somuso dödö sanandrösa khö Keriso,+ hewaʼae na falukha ndraʼo khömi mazui löʼö, tola urongo wa lö si tebulö ami, so wahasara dödö ba ha sambua gera-era,+ faoma miforege wamati ba duria somuso dödö, 28 ba maʼifu lö khömi faʼataʼu ba nudumi. Daʼa zi tobali tandra wa hasambalö tekiko ira,+ ba teʼorifi ami,+ moroi khö Lowalangi dandra daʼa. 29 No tebeʼe khömi döi si sökhi, tenga ha enaʼö mamati ami khö Keriso, hizaʼi enaʼö tefakao ami börö ia.+ 30 No miʼila hewisa me utaögö wamakao ba simanö göi ami.+ Irugi iadaʼa, no mirongo wa lö tebulö uforege wanaögö simane daʼö.