Sinunö
Sinunö Dawido.
27 Haga khögu+ Yehowa ba fangorifigu.
Haniha niʼataʼufigu?+
Baʼa-baʼa waʼaurigu Yehowa.+
Haniha zi tola mametaʼu yaʼo?
2 Na lasuwö ndraʼo niha si lö sökhi ba wamunu yaʼo,+
Yaʼira samösa zanendre ba si telögu.
3 Hewaʼae lafaʼuʼu ndraʼo ira saradadu,
Ba lö ataʼu ndraʼo.+
Hewaʼae lasuwö ndraʼo,
Ba lö tebulö waʼafaduhu dödögu khönia.
4 So sambua niʼandrögu khöu Yehowa,
Daʼa zomasi ndraʼo:
Omasido toröi ba nomo Yehowa sandrohu faʼaurigu,+
Ba wamaigi hawaʼasökhi Yehowa,
5 Ibiniʼö ndraʼo ba lumö gafinia na baŵa waʼatosasa;+
Ibiniʼö ndraʼo ba nahia si tobini, ba nosenia;+
Ifataro ndraʼo ba hili kara sabölö alawa.+
6 Si möna ndraʼo iadaʼa ba wolawa udu samasui yaʼo;
Ubeʼe zumange nitunu ba nosenia si fao faʼomuso dödö;
Manunö ndraʼo ba wanuno* Yehowa.
8 Imane tödögu,
”No öbeʼe goroisa, ’Alui ndraʼo.’”*
9 Böi biniʼö khögu mbawau.+
Böi ofönu khö genonimö andre ba böi timbagö ia.
Yaʼugö zanolo yaʼo;+
He Lowalangi Sangorifi yaʼo, böi röi ndraʼo ba böi osiwawöi.
11 He Yehowa, fahaʼö ndraʼo ba lalamö andrö,+
Ohe ndraʼo ba lala sadölö enaʼö telumöʼö ndraʼo moroi ba zi faʼudu khögu.
12 Böi lulu ndraʼo ba danga zi faʼudu khögu,+
Börö me laböbögö khögu zi lö duhu+
Ba lafetaʼu ndraʼo ba wamakao yaʼo.
13 Hadia lua-luania na lö mamati ndraʼo sagötö faʼaurigu,
Wa uʼila dania hawaʼasökhi Yehowa andrö?+
Döna-döna khö Yehowa.