Sinunö
Khö zondröniaʼö sinunö: Sanandrösa khö Gititi.* Sinunö Gasafo.+
81 Miʼomusoiʼö dödömi khö Lowalangi sangabölöʼö yaʼita.+
Miʼomusoiʼö dödömi ba wanuno Lowalangi Yakobo.
2 Mifoli wakake zinunö ba mihalö damburu,
Harafa si sökhi li ba fakake zinunö nifosinali.
4 Börö me daʼö gamakhoita ba ndraono Gizaraʼeli,
Amakhoita moroi khö Lowalangi Yakobo.+
Marongo li si lö maʼila,
6 ”Uheta noro moroi ba galisinia;+
No aheta dangania moroi ba raga-raga.
7 Me muʼao ndraʼugö ba ginötö waʼatosasa ba uʼefaʼö ndraʼugö;+
Utema liu moroi ba naha wamini gari mbanua.+
Utandraigö ndraʼugö ba Gumbu Nidanö Meriba.*+ (Sela)
8 Mifondrondrongo yaʼami banuagu ba tobali ndraʼo samaduhuʼö ba wolawa yaʼami.
He yaʼami iraono Gizaraʼeli, enaʼö na mifondrondrongo wehedegu,+
9 Lö hadöi lowalangi niha baero ba gotaluami,
Ba lö mangalulu ami föna lowalangi böʼö.+
10 Yaʼodo Yehowa Lowalangimi,
Sangeheta yaʼami moroi ba danö Miserai.+
Miʼebuaʼö wamokai bawami ba ufolakhö ami irege abuso.+
11 Ba lö lafondrondrongo ligu ono mbanuagu;
Lö omasi mangalulu khögu ndraono Gizaraʼeli.+
13 Enaʼö na lafondrondrongo wehedegu ono mbanuagu,+
Enaʼö na omasi ndraono Gizaraʼeli wanörö lalagu,+
14 Aoha sibai khögu ba wokalaisi udura;
Utimbagö zamakao yaʼira.+
15 Niha si fatiu tödö khö Yehowa ba ataʼu ira fönania,
Ba irugi zi lö aetu wanguhuku* si göna ira.