Sinunö

Sambua sinunö.

98 Miʼanunöisi zinunö si bohou khö Yehowa,+

Börö me no ifalua zahöli-höli dödö.+

Tangania kambölö ba taʼionia niʼamoniʼö, daʼö zolohe fangorifi.*+

2 No ifatunö Yehowa wangorifi si otarai khönia;+

No ifaʼeleʼö waʼatulönia föna ngawalö soi.+

3 Itörö tödönia waʼomasinia si lö faröi hegöi faʼaduhunia* ba ngaʼötö ndraono Gizaraʼeli.+

Oroma fefu ba zi sagörö ulidanö wangorifi* si otarai Lowalangida.+

4 Yaʼami si sagörö ulidanö, miʼomusoiʼö dödömi wanuno Yehowa.

Miʼomusoiʼö dödömi, miʼowua-wuaʼö dödömi, ba miʼanunö.*+

5 Miʼanunö* khö Yehowa ba mitika harafa,

Mitika harafa ba miʼanunöisi zinunö si sökhi.

6 Si fao li dorofe sanau ba torofe nifazökhi moroi ba dandru,+

Miʼowua-wuaʼö dödömi föna Razo, Yehowa.

7 Yamogoso-goso nasi awö nösinia maʼafefu,

Simanö göi gulidanö* awö zowanua ba daʼö.

8 Yaʼibözi dawo-tawo ungo nidanö;

Yafaoma owua-wua dödö hili+

9 Föna Yehowa, börö me tohare* ia ba wanguhuku ulidanö.

Ihuku gulidanö* faoma faʼaduhu+

Simanö göi soi faoma faʼatulö.+