Sinunö
Khö zondröniaʼö sinunö. Sinunö ngaʼötö Gora.+ Sambua sinunö.
49 Mifondrondrongo daʼa, yaʼami ngawalö soi.
Miʼameʼegö tödö yaʼami sowanua ba danö,*
2 Yaʼami si tehöngö hegöi niha si toʼölö,
Si kayo ba si numana.
3 Bawagu dania zamatunö ngawalö waʼatua-tua,
Ba niʼangerönusi dödögu+ zameʼe faʼaboto ba dödö.
4 Uʼameʼegö tödö gamaedola;
Ufatunö dahö-dahögu ba utika harafa.
5 Hana wa ataʼu ndraʼo ba ginötö waʼatosasa,+
Me ifasui ndraʼo amuata* niha si lö sökhi sedöna mamagaölö yaʼo?
6 Niha sangodaligö faʼakayora,+
Ba sohöni-höni faʼebua haratora,+
7 Samösa lö hadöi ba gotaluara zi tola mangöhöli talifusönia,
Mazui labeʼe höli khö Lowalangi salahi dalifusöra andrö;+
8 (Ebua sibai höli noso niha
Irege tebai labuʼa);
9 Enaʼö auri ia sagötö faʼara ba lö iʼila mbawa lewatö.+
10 Iʼila wa mate göi niha satua-tua;
Simanö göi niha si bodo ba si lö tödö,+
Hasambalö laröi haratora ba niha böʼö.+
11 Ohitö dödöra enaʼö lö tebulö so manö nomora sagötö faʼara,
So nahia waʼatoröira götö-götö waʼara.
Lafotöi danöra simane töira samösa.
12 Tenga sagötö faʼara wetaro niha, hewaʼae na niha nifosumange ia;+
Lö töra ia moroi ba gurifö si mate.+
13 Daʼa lala niha si bodo+
Hegöi niha soloʼö yaʼira, sangomasiʼö fehedera si lö eluaha. (Sela)
14 Simane biri-biri niʼohe ba naha wanaba, no muhonogöi ira numalö ba Lewatö.*
Faʼamate zi tobali kubalora;
Niha sadölö tödö zamatörö yaʼira+ ba zihulö wongi.
15 Hizaʼi, Lowalangi dania zangöhöli yaʼo* moroi ba waʼabölö* Lewatö,*+
Börö me yaʼia zanöbi yaʼo enaʼö teʼefaʼö. (Sela)
16 Böi ataʼufi na kayo zi samösa niha,
Ba monönö waʼebua nomonia,
17 Na mate ia, ba lö iʼohe hadia ia;+
Lö lafaogö khönia waʼakayonia.+
18 Ihöni-höni ia sandrohu faʼaurinia.+
(Lazuno-zuno ita niha na moʼokhöta.)+
19 Ba gafuriata, igoʼö ndra tuania.
Lö saʼae laʼila haga.
20 Niha si lö aboto ba dödö daʼa, hewaʼae tefosumange ia,+
Sindruhunia lö töra ia moroi ba gurifö si mate.