Sinunö
Sambua sinunö ba ngaluo Sabato.
92 Hawaʼasökhi na mufaʼema wangandrö saohagölö khöu, yaʼugö Yehowa+
Ba muʼanunöisi zinunö* ba wanuno töimö, yaʼugö Fondrege Zalawa,
2 Ba wamatunö faʼomasimö si lö faröi+ ba zihulö wongi
Ba faʼalöfaröimö ba zi bongi,
3 Ba wamoli harafa sebua* hegöi biola,
Simanö göi harafa side-ide si sökhi li.+
4 He Yehowa, no öʼomusoiʼö dödögu ba nifaluamö;
Owua-wua dödögu ba halöwö dangau.
5 Sindruhu wa sahöli-höli dödö nifaluamö Yehowa!+
Hawaʼalawa wangera-ngeramö!+
6 Lö iʼila daʼa niha si bodo;
Ba tebai ikhamö fangera-ngera zambö tödö:+
7 Hewaʼae tedou niha si lö sökhi simane duʼu*
Ba monönö waʼato niha si lö sökhi,
Hasambalö wa tehori ira sagötö faʼara.+
8 Hizaʼi, teʼalawaʼö ndraʼugö Yehowa irugi zi lö aetu.
9 He Yehowa, faigi waʼakala zi faʼudu khöu,
Hasambalö tehori ira;
Fefu niha si lö sökhi ba oi muzawili.+
11 Anehe dania ndraʼo waʼakala zi faʼudu khögu;+
Irongo talingagu waʼalabu niha si lö sökhi sanuwö yaʼo.
13 Ba nomo Yehowa latanö ira;
Tedou ira ba golayama nomo Lowalangida.+
Yaʼia Gowe Saro khögu+ ba lö irai ifalua zi lö atulö.