Khö zondröniaʼö sinunö: Niʼanunöisi si fao fakake zinunö nifosinali. Sambua sinunö.
67 Ihakhösi tödö ba ifahowuʼö dania ita Lowalangi;
Iforomaʼö waʼomuso dödönia khöda+ (Sela)
2 Enaʼö laʼila lalamö andrö ba zi sagörö ulidanö,+
Anehe ngawalö soi wangorifi si otarai ndraʼugö.+
3 He Lowalangi, yalasuno döimö fefu soi;
Yalasuno döimö fefu soi.
4 Yaʼomuso dödö ngawalö soi ba yaʼowua-wua dödöra,+
Börö me öhuku ira si fao faʼatulö.+
Yaʼugö zanuturu lala fefu soi ba gulidanö. (Sela)
5 He Lowalangi, yalasuno döimö fefu soi;
Yalasuno döimö fefu soi.
6 Ibeʼe baero mbuania tanö;+
Börö me Lowalangi, Lowalangida zamahowuʼö yaʼita.+
7 Ifahowuʼö dania ita Lowalangi,
Ba fefu soi ba gulidanö laʼataʼufi ia.+