Sangombakha

11 Fazaumba göu roti ba nidanö+ ba öfuli zui dania ösöndra mato hauga hari.+ 2 Beʼe ösa gokhötamö ba niha si dafitu mazui dawalu,+ börö me lö öʼila hadia wamakao salua ba gulidanö.

3 Na afönu lawuo andrö idanö ba aekhu deu ba danö. Na asoʼa geu miraya mazui miyöu, adölö ia ba zasoʼa yaʼia andrö.

4 Niha samaigi-maigi angi ba lö manaru, ba samaigi-maigi lawuo ba lö mamasi.+

5 Lö aboto ba dödöu hewisa lala geheha Lowalangi wameʼe faʼabölö ba döla nono sawuyu si so ba dalu ninania.+ Simane daʼö göi wa lö öʼila nifalua Lowalangi sindruhu samalua ngawalö hadia ia.+

6 Fazaewe danömö zinanö khöu ba zihulö wongi ba böi folombase dangau ofeta bongi,+ börö me lö öʼila hezo dania zi tumbu, hadia daʼa mazui daʼö, ba mazui dombua manö.

7 Sökhi haga andrö ba hawaʼasökhi na iʼila höröda haga luo. 8 Na anau noso zi samösa niha, sökhi na iʼomusoiʼö dödönia ero maʼökhö.+ Hizaʼi tebai olifu ia wa tola manö oya ngaluo sogömi-gömi. Zaya-zaya gölö fefu zi lö ara tö tohare andrö.+

9 He yaʼugö si bohou ebua, omusoiʼö dödöu fatua awuyu nasa ndraʼugö. Yaʼomuso dödöu sagötö faʼawuyumö. Oʼö niwaʼö dödöu gofu hezo iʼohe ndraʼugö höröu. Hizaʼi yaʼaboto ba dödöu wa iʼohe dania ndraʼugö Lowalangi ba wanguhuku börö daʼö fefu.+ 10 Andrö, heta ngawalö zabu dödöu ba böi hatöʼö ndraʼugö ba ngawalö zamakiko botou. Zaya-zaya gölö waʼawuyu-wuyu hegöi inötö si sökhi andrö.+