Sinunö
Sinunö. Sinunö wangamoniʼö omo. Sinunö Dawido.
30 Ufolakhömi ndraʼugö Yehowa, börö me no öʼefaʼö ndraʼo;*
Lö ötehegö maʼiki zi faʼudu khögu ba wangoʼaya yaʼo.+
2 He Yehowa Lowalangigu, khöu muʼao ndraʼo ba wangandrö fanolo, ba yaʼugö zamadöhö yaʼo.+
3 He Yehowa, yaʼugö zamazawa yaʼo moroi ba Lewatö.*+
Yaʼugö zangorifi yaʼo; lö ötehegö ahöndrö ndraʼo ba mbawa lewatö.+
4 Yaʼami ono mbanuania si lö faröi, misuno Yehowa faoma sinunö,*+
Miʼandrö saohagölö ba döinia niʼamoniʼö;+
5 Ha mamöʼi hörö waʼara wönunia,+
Hizaʼi sandrohu faʼauri waʼasökhi dödönia.+
Terongo weʼe ba zi bongi, hizaʼi so waʼomuso dödö ba zihulö wongi.+
6 Me ahono dödögu andrö umane,
”Lö mangiwa ndraʼo.”
7 He Yehowa, na omuso dödöu khögu, öʼabölöʼö ndraʼo simane faʼabölö hili.+
Hizaʼi ataʼudo na öbiniʼö mbawau khögu.+
8 He Yehowa, lö uböhöli weʼao khöu;+
Ba lö uböhöli wangandrö faʼahakhö dödö khö Yehowa.
9 Hadia gunania na matedo,* na möido mitou ba mbawa lewatö?+
Hadia tola isuno ndraʼugö gawu-gawu,+ mazui idunö-dunö waʼalöfaröimö?+
10 He Yehowa, fondrondrongo ba hakhösi tödö ndraʼo.+
He Yehowa, tolo ndraʼo.+
11 No öbaliʼö faʼomuso dödö* gabula dödögu andrö;
No öheta khögu nukha goni ba öbeʼe khögu mbaru faʼomuso dödö,
12 Enaʼö tola manunödo* ba wanuno yaʼugö, faböi ulau zi lö hede-hede.
He Yehowa Lowalangigu, usuno ndraʼugö sagötö faʼara.