Habakuki
1 Daʼa gangilata nitema Habakuki* samaʼeleʼö:
2 He Yehowa, hawaʼara tö nasa uʼandrö wanolo moroi khöu? Hawaʼara tö öfondrondrongo gangandröwagu?+
Hawaʼara tö nasa uʼangaröfili ndraʼugö ba wangandrö fanolo? Hawaʼara awena öʼefaʼö ndraʼaga* moroi ba waʼalösökhi?+
3 Hana wa öfaʼilaʼö khögu zi lö sökhi?
Hana wa ötehegö alua wamakao?
Hana wa hasambalö uʼila wamakiko ba famakao?
Ba hana wa oya sibai waʼudusa ba fasosota?
4 Lö hadöi faʼabölö huku
Ba lö lafalua waʼatulö.
So niha si lö sökhi ba zi fasui niha satulö,
Daʼö mbörö wa tefuyu zatulö.+
5 ”Mifaigi ba minehegö ngawalö soi!
Mifakhölö ami wamaigi yaʼira si fao faʼahöli-höli dödö ba faʼatokea,
Börö me so zalua ba götömi,
Ba lö faduhu dödömi hewaʼae no muʼombakhaʼö khömi.+
Laʼanöröi mbolo mbenua ba gulidanö,
Larabu nomo si tenga khöra.+
7 Si hokha mbu ba sataʼu niha ira.
Lafazökhi khöra huku ba lasuno-suno ira.+
8 Alio sibai kudora moroi ba harimo,
Ba abölö amuʼi moroi ba nasu gatua na ba zi bongi.+
Terongo ndröndrö-ndröndrö kudora si möi ba wasuwöta.
Moroi ba zaröu tohare kudora,
Alio sibai hulö moyo sondraʼu önia.+
9 Tohare fefu soi daʼö ha ba wamalua faʼalösökhi.+
Mofanö ndra saradadunia simane angi gatumbukha.+
Hulö gawu waʼoya niha niʼoloiʼöra.
10 Laʼoʼaya razo-razo.
Ba laʼigi-igiʼö ndra sohalöwö ba gödo razo.+
Labaliʼö famaʼikira fefu nahia si no mufoʼöli,+
Ba latimbu danö ba worabu nahia daʼö.
11 Aefa daʼö, lalau mofanö, latörö nahia andrö simane angi,
Ba sinangea lahuku ira,+
12 He Yehowa, hadia tenga iʼotarai me mböröta no so ndraʼugö?+
He Lowalangigu, he Lowalangigu Niʼamoniʼö, lö irai mate ndraʼugö.*+
Tobali, hana wa ölulu manö niha si manga mböli,+
Ba ölau zi lö hede-hede me möi niha si lö sökhi ba wangohori niha sabölö sökhi moroi khöra?+
14 Hana wa ötehegö niha labaliʼö simane iʼa ba nasi,
Simane urifö ba nasi si lö sondröniaʼö?
Daʼö mbörö wa omuso sibai dödöra.+
16 Daʼö mbörö wa labeʼe zumange ba giri niʼokhögöra,
Ba latunu zumange* ba ndrialara;
Daʼö mbörö wa laʼa zabölö sökhi,
Ba laʼowua-wuaʼö dödöra ba gö si sökhi.
17 Hadia lö labato ba wolau giri?*
Hadia lö aetu labunu niha ba soi böʼö ba lö laforomaʼö waʼahakhö dödö?+