Halöwö Zinenge
9 Gasa-gasa daʼö, lö ibato Saulo wolohi nifahaʼö Zoʼaya+ ba ihalö gangetula wamunu yaʼira fefu. Möi iʼondrasi gafalo gere 2 ba wangandrö sura enaʼö lafaʼema ba nahia waʼowulo* si so ba Ndramaseko. Na falukha ia niha soloʼö Lala Zoʼaya,+ he ira matua mazui ira alawe, tola iraʼu ba iʼohe ba Yeruzalema.
3 Ba lala me arakhagö irugi Ndramaseko, lö idöna-döna zi haga moroi ba mbanua si yawa samasui yaʼia.+ 4 Alabu ia ba irongo li sangumaʼö, ”He Saulo, he Saulo, hana wa öfakao ndraʼo?” 5 Imane Saulo, ”Haniha ndraʼugö?” Itema li, ”Yesu ndraʼo,+ nifakaomö.+ 6 Ozizio, aeʼe ba mbanua andrö. Ba daʼö laʼombakhaʼö khöu hadia zinangea öfalua.” 7 Iadaʼa, niha si fao khönia no mosindro manö ira ba lö hede-hedera. Larongo li si hede, hizaʼi lö laʼila haniha.+ 8 Aefa daʼö, mosindro Zaulo, ba lö iʼila-ila niha hewaʼae no teboka hörönia. Andrö lagogohe dangania ba laʼohe ia ba Ndramaseko. 9 Sagötö zi tölu hari lö iʼila niha,+ lö manga ba lö mamadu idanö.
10 So samösa nifahaʼö ba Ndramaseko sotöi Anania.+ Imane khönia Soʼaya ba gangilata, ”He Anania!” Itema li, ”Yaʼe ndraʼo Soʼaya.” 11 Imane khönia Soʼaya, ”Aeʼe ba nomo Yuda ba Lala Sadölö, alui ba daʼö zotöi Saulo niha Dareso.+ Mangandrö-ngandrö ia iadaʼa. 12 Ba gangilata no oroma khönia samösa zotöi Anania, tohare ia ba itufa irege iʼila niha.”+ 13 Hizaʼi imane Anania, ”He Soʼaya, no oya nirongogu turia niha daʼa, hewisa waʼalösökhinia ba niha niʼamoniʼö khöu ba Yeruzalema. 14 Iadaʼa, no latehegö khönia ira kafalo gere ba wondraʼu* fefu zi faduhu tödö ba döimö.”+ 15 Hizaʼi, imane khönia Soʼaya, ”Aeʼe manö! Börö me no ufili ia+ ba wamaduhuʼö töigu ba ngawalö soi misa+ hegöi khö ndra razo+ awö ndraono Gizaraʼeli. 16 Uforomaʼö khönia hawaʼoya wamakao si lö tola löʼö itaögö börö döigu.”+
17 Mofanö Anania ba möi ia ba nomo andrö. Aefa daʼö, itufa högö Zaulo ba imane, ”Yaʼugö talifusögu Saulo, no ifatenge ndraʼo Soʼaya Yesu si falukha khöu ba lala, enaʼö öʼila niha mangawuli ba fahöna khöu geheha niʼamoniʼö.”+ 18 Iʼanemaiʼö atoru zi hulö huna-huna moroi ba hörönia ba tola iʼila niha saʼae. Aefa daʼö, tebayagö ia idanö. 19 Mangawuli waʼabölönia me no manga ia.
Toröi ia khö ndra nifahaʼö ba Ndramaseko+ mato hauga hari. 20 Iʼanemaiʼö idölö ia ba nahia waʼowulo ba ituriaigö wa Yesu andrö Ono Lowalangi. 21 Hizaʼi, ahöli-höli dödö niha samondrongo yaʼia, ba lamane, ”Hadia tenga yaʼia andrö zamakao niha Yeruzalema si faduhu tödö ba döi daʼö?+ Hadia tenga daʼö wa tohare ia ba wondraʼu hegöi ba wolohe yaʼira föna gafalo gere?”+ 22 Hewaʼae simanö, itugu onekhe Zaulo ba wamaduhuʼö wa Yesu andrö Keriso,+ fatema ba dödö niha irege tebai lafadaö niwaʼönia ira niha Yahudi si toröi ba Ndramaseko.
23 Lö ara aefa daʼö, laʼalui lala ira niha Yahudi ba wamunu yaʼia.+ 24 Bongi maʼökhö lahaogö wozago bawa göli ba mbanua enaʼö tola labunu ia. Ba no iʼila Saulo hadia dandrawa nifaluara. 25 Bongi daʼö, ladada ia si tou ira nifahaʼö ba raga-raga sebua baero göli.+
26 Me no irugi Yeruzalema,+ iʼodödögö enaʼö fao ia khö ndra nifahaʼö. Hizaʼi, ataʼu ira khönia börö me lö faduhu dödöra wa no tobali ia nifahaʼö. 27 Börö daʼö, itolo ia Baranaba+ ba ifasao khö ndra sinenge. Aefa daʼö, ihaogö izara-zara wanutunö Saulo hewisa me iʼila Zoʼaya ba lala,+ hewisa me fahuhuo Zoʼaya khönia, ba hewisa me lö ataʼu Zaulo fahuhuo ba döi Yesu ba Ndramaseko.+ 28 Toröi khöra Zaulo ba daʼö. Lö ataʼu ia weʼamöi ba zi sagörö tanö Yeruzalema ba wanuriaigö töi Zoʼaya. 29 Fahuhuo ia ba fabuʼa-buʼa ira niha Yahudi sangogunaʼö li Yunani, hizaʼi laʼalui lala wamunu yaʼia.+ 30 Me laʼila daʼö ira talifusö, laʼohe ia ba Kaisarea ba lafatenge ia ba Dareso.+
31 Aefa daʼö, ohahau fefu dödö mbanua niha Keriso ba zi sagörö Yudea, Galilaia hegöi Samaria,+ ba itugu aro ira ba wamati. Monönö waʼatora börö me laʼataʼufi ba lafaudugö waʼaurira ba lala Yehowa,* ba lasöndra wondrara dödö moroi ba geheha niʼamoniʼö.+
32 Me itöröi fefu mbanua daʼö Fetero, ba möi ia göi ifalukhaisi ndra niha niʼamoniʼö si so ba mbanua Lida.+ 33 Falukha ia ba daʼö ndra matua si no ombuyu-mbuyu töla sotöi Ainea, si no walu fakhe ba naha wemörö. 34 Imane khönia Fetero, ”He Ainea, no ifadöhö ndraʼugö Yesu Keriso.+ Faoso ba föfögö nahia wemörömö.”+ Iʼanemaiʼö maoso ia. 35 Me laʼila ia banua Zarona faoma Lida, tobali ira nifahaʼö Zoʼaya.
36 So samösa nifahaʼö ba Yafo sotöi Tabita, na lafoʼeluaha ia ”Doreka”.* Oya gamuata si sökhi nifaluania ba mamuala göi ia. 37 Me luo daʼö, mofökhö ia ba mate. Andrö lafemondri ia, ba lafadölö ba mbateʼe tanö si yawa. 38 Me larongo ira nifahaʼö wa so Wetero ba Lida, lafatenge darua dalifusö samangaösö yaʼia börö me fahatö mbanua Yafo ba mbanua Lida. Lamane khönia, ”Maʼandrö khöu, aliokö ae ba daʼa.” 39 Iʼanemaiʼö mofanö Wetero ba fao ia khöra. Me no irugi, laʼohe ia ba mbateʼe tanö si yawa, ba lafalukhaisi ia ira lakha mbanua si so ba daʼö. Mege-ege ira ba laforomaʼö khönia fefu mbaru si no ifazökhi Doreka me lö si mate ia nasa. 40 Aefa daʼö, iwaʼö khöra Fetero enaʼö möi ira baero.+ Ituhi danö ba mangandrö ia. Iʼotahögö mboto Doreka ba imane, ”He Tabita, faoso!” Ibokai hörönia Doreka ba iʼila Wetero, aefa daʼö modadao ia.+ 41 Igogohe dangania Fetero ba itolo ia wezizio. Lö ara, ikaoni ndra niha niʼamoniʼö hegöi lakha mbanua ba daʼö, iforomaʼö khöra wa no auri Doreka.+ 42 Tehöngö zalua andre ba zi sagörö Yafo, ba ato niha zi faduhu tödö khö Zoʼaya.+ 43 Toröi Wetero mato hauga hari ba Yafo, fao ia khö Zimoni,+ tuka guli gurifö.