Sinunö

85 He Yehowa, omuso dödöu ba danö andrö khöu;+

Öʼohe mangawuli ngaʼötö Yakobo si no muʼoloiʼö.+

 2 No öʼefaʼö zala nono mbanuamö;

No öbologö dödöu ba* horö nifaluara.+ (Sela)

 3 No ötaha fefu wönumö;

No öʼalösi wönumö si hola-hola.+

 4 He Lowalangi sangefaʼö yaʼaga, fuli foromaʼö khöma waʼasökhi dödöu,*

Heta waʼabao dödöu khöma.+

 6 Hadia lö öfangawuli waʼabölöma

Irege omuso dödö nono mbanuamö börö ndraʼugö?+

 7 He Yehowa, foromaʼö khöma waʼomasimö si lö faröi,+

Ba beʼe khöma wangorifi.

 8 Ufondrondrongo niwaʼö Lowalangi sindruhu sotöi Yehowa,

Börö me fahuhuo ia sanandrösa ba waʼatulö ba nono mbanuania,+ niha si lö faröi,

Hizaʼi, böi tehegö talafo abeʼe dödöra simane ba zilalö.+

 9 Hasambalö iʼorifi niha sangataʼufi yaʼia,+

Enaʼö lö tebulö lakhöminia andrö ba danöda.

10 Falukha dania waʼomasi si lö faröi ba waʼaduhu;*

Ba fao ira waʼadölö waʼatulö.+

11 Tedou ba danö waʼalöfaröi,

Ba mohaga waʼatulö moroi ba mbanua.+

12 Ibeʼe Yehowa ngawalö zi sökhi,*+

Ba ibeʼe mbuania tanöda enaʼö tabasi.+

13 Mowaö-waö fönania waʼatulö,*+

Ba no ihenaigö lala sinangea ibekaini.