Sara Tesalonika
1 Moroi khö Waulo, Siliwano*+ hegöi Timoteo,+ nifaʼema ba mbanua niha Keriso si so ba Desalonika si ha sambua khö Namada Lowalangi, ba khö Zoʼaya yaʼita Yesu Keriso.
Yamitema waʼasökhi dödö sebua* ba faʼohahau dödö.
2 Maʼandrö saohagölö khö Lowalangi ero mangandrö ndraʼaga salahimi,+ 3 föna Lowalangi, Amada, lö olifu ndraʼaga hewisa waʼerege dödömi börö wamati ba faʼomasimi, ba hewisa waʼanau gölömi börö wanötöna andrö+ khö Zoʼaya yaʼita Yesu Keriso. 4 Ira talifusö niʼomasiʼö Lowalangi, aboto ba dödöma wa yaʼia zamili yaʼami, 5 börö me ofeta khömi duria somuso dödö nifatunöma, tenga ha ba wehede hizaʼi si fao faʼabölö, eheha niʼamoniʼö, hegöi faʼafaduhu dödö. Miʼila samösa hadia nifaluama khömi. 6 Tobali ami soloʼö khöma+ hegöi khö Zoʼaya,+ börö me mitemaʼö daromali andrö si fao faʼomuso dödö moroi ba geheha niʼamoniʼö, hewaʼae oya wamakao nitaögömi,+ 7 irege tobali ami duma-duma ba niha soloʼö khö Zoʼaya ba Makedonia hegöi ba Nakhaya.
8 Iadaʼa, tenga ha taromali Yehowa* zi terongo ba Makedonia hegöi ba Nakhaya börö ami, no göi tehöngö wamatimi misa+ irege lö hadöi saʼae sinangea mawaʼö. 9 Asese sibai lafatunö-tunö hewisa me awena falukha ita, ba hewisa me miböhöli wanömba adu+ enaʼö tobali ami sawuyu Lowalangi sauri ba satulö, 10 ba wombaloi faʼatohare Nononia moroi ba zorugo,+ si no isusugi moroi ba gotalua zi mate, yaʼia daʼö Yesu, sangorifi yaʼita moroi ba wönu Lowalangi si lö ara tö alua.+