Sinunö
Khö zondröniaʼö sinunö: Yedutuno.*+ Sinunö Dawido.
39 Umane, ”Uhaogö wondrorogö bekagu
Enaʼö lö ifalua horö lelagu.+
Uduhö dania mbawagu,+
Sagötö feʼaso niha si lö sökhi tanö fönagu.”
2 Ahono ndraʼo ba lö hede-hede;+
Ulau zi lö hede-hede hewaʼae si sökhi daʼö,
Hizaʼi, hulö nihökha-hökha bakha dödögu.*
3 Aukhu bakha dödögu.
Ihötöi uʼangeragö* ba ihötöi aukhu bakha dödögu.
Umane ba gafuriata,
4 ”He Yehowa, fatunö khögu hawaʼara aetu nosogu,
Ba hawaʼadogo-dogo ndröfigu,+
Enaʼö uʼila wa si lö arara waʼaurigu.
Gofu haniha manö, hewaʼae na abölö ia, hulö amaedola hanu-hanu.+ (Sela)
6 Gofu haniha, ba faʼaurinia hulö lumö-lumö.
Zaya-zaya gölö waʼerege dödönia.*
Ihöna haratonia, ba lö iʼila haʼökhö möi.+
7 Na simanö, hadia zi tola utötöna yaʼugö Yehowa?
Ha yaʼugö dötönafögu.
8 Efaʼö ndraʼo moroi ba golalöwagu andrö fefu.+
Böi tehegö laʼoʼaya ndraʼo niha si bodo.
10 Heta wamakao si no öfalangögö khögu.
Afufu ndraʼo ba mbözi-bözi dangamö.
11 Öhuku niha ba wamareso olalöwania;+
Öhorigö wemanga gama-gamania sebua böli, hulö hama.
Ba hulö amaedola hanu-hanu waʼauri niha andrö.+ (Sela)
12 He Yehowa, fondrondrongo wangandrögu,
Fondrondrongo weʼaogu ba wangandrö fanolo.+
Böi zi lö ba dödöu nidanö hörögu.+
Börö me ha si fatewu ndraʼodo andre khöu,
Ha sanörö, simane ira tuagu.+
13 Böi töngö ndraʼo si fao fönu enaʼö ifuli owua-wua dödögu
Fatua lö mate ndraʼo ba lö yaʼodo saʼae.”