Sinunö

8 He Yehowa Lowalangima, sindruhu-ndruhu molakhömi döimö ba zi sagörö ulidanö;

Abölö alawa lakhömiu moroi ba mbanua si yawa.*+

 2 Börö me so zi faʼudu khöu,

Öforomaʼö waʼabölömö, öʼogunaʼö mbawa ndraono side-ide hegöi sawena tumbu,+

Ba wondruhö bawa niha si fahöʼö khöu.

 3 Me ufakhölö ndraʼo wamaigi talu mbanua, halöwö dangau,*

Baŵa awö ndröfi nifazökhimö,+

 4 Umane: Haniha niha andrö irege itörö tödöu ia,

Ba haniha nono niha andrö irege öʼameʼegö tödö ia?+

 5 No öʼide-ideʼö ia maʼifu moroi khö ndra malaʼika,*

Ba öfotakula ia faoma lakhömi ba sumange.

 6 Yaʼugö zameʼe khönia kuaso ba wamatörö omböila dangau;+

No öbeʼe barö gahenia fefu hadia ia:

 7 Fefu gurifö nifaliaro,

Awö gutu ndruʼu,*+

 8 Fofo ba dalu mbanua ba iʼa ba nasi,

Hegöi ngawalö zi so ba nasi.