Dua Ngaʼötö

2 Börö daʼö, ibeʼe goroisania Selomo ba wamazökhi omo ba döi Yehowa+ hegöi gödo razo khönia.+ 2 Itatugöi 70.000 niha zi tobali sonoro,* 80.000 zanaba kara ba hili,+ ba 3.600 zamaigi-maigi sohalöwö.+ 3 Aefa daʼö, ifaʼoheʼö goroisania Selomo khö Hiramo+ razo Diro, ”Yaʼugö zamaʼoheʼö eu eresi khö namagu Dawido mböröta ba wamazökhi omonia.+ Falua göi khögu iadaʼa zimane nifaluamö khönia, 4 börö me edöna ufazökhi nomo andrö ba döi Lowalangigu Yehowa, enaʼö tola uʼamoniʼö ia ba döinia ba utunu zumange somuhua+ fönania, enaʼö lö tebulö so roti nifalaete,*+ ba enaʼö so zumange nitunu, sihulö wongi ba tanö owi,+ ba ngaluo Sabato,+ ba mbaŵa si bohou,+ hegöi ba ginötö mufalua gowasa+ khö Lowalangima Yehowa. Daʼa zi tobali foʼömö ndraono Gizaraʼeli irugi zi lö aetu. 5 Ebua sibai dania nomo nifazökhigu andrö, börö me abölö Lowalangima moroi ba lowalangi tanö böʼö. 6 Haniha zi tola mamazökhi omo khönia? Börö me lö hadöi sorugo, fondrege zorugo si tola mamonaha yaʼia,+ hadia tola ufazökhi khönia nomo? Awai zi tola ufazökhi ha naha wanunu sumange fönania. 7 Fatenge khögu samösa tuka sonekhe sangehaogö anaʼa, firö, tembaga,+ siʼöli, nukha si ungu laʼa-laʼa,* bana soyo, bana sobalau, ba sangila mangehaogö gambara. Fao ia wohalöwö ba niha sogonekhe si no ihenaigö amagu Dawido ba Yehuda hegöi ba Yeruzalema.+ 8 Faʼoheʼö geu eresi, juniper,+ ba eu cendana+ moroi ba Libano,+ börö me urongo toʼölö ndra sawuyumö ba wolobö eu Libano. Falulu fohalöwö genonigu khö genoniu+ 9 ba wohenaigö eu soya börö me ebua sibai nomo nifazökhigu andrö dania. 10 Sanandrösa khö ndra enonimö, ira solobö eu, uhenaigö zoguna khöra+ faʼoyania 4.400.000 liter* gandru, 4.400.000 liter barli, 440.000 liter* nagu, ba 440.000 liter wanikha.”

11 Börö daʼö, ifaʼoheʼö zurania Hiramo razo Diro khö Zelomo imane, ”Börö me iʼomasiʼö nono mbanuania Yehowa, andrö ifataro ndraʼugö tobali razora.” 12 Imane göi Hiramo, ”Nisuno Yehowa Lowalangi ndraono Gizaraʼeli samazökhi banua si yawa awö danö börö me no ibeʼe khö Razo Dawido nono satua-tua,+ sonekhe ba safönu faʼaboto ba dödö,+ samazökhi omo khö Yehowa hegöi gödo razo khönia. 13 Ufatenge samösa duka sonekhe* ba si no toʼölö, yaʼia daʼö Huramo-abi.+ 14 Inania ngaʼötö Dano ba amania niha Diro. No toʼölö ia wamazökhi anaʼa, firö, tembaga, siʼöli, kara, eu, nukha si ungu laʼa-laʼa,* bana sobalau, nukha si sökhi, ba bana soyo.+ Iʼila ihaogö ngawalö gambara ba ifazökhi gofu hadia manö nibeʼe khönia.+ Falulu fohalöwö ira niha sogonekhe khöu faoma ira sogonekhe khö zokhö yaʼo, amau Dawido 15 Faʼoheʼö gandru, barli, fanikha, ba agu si no öfabuʼu khö ndra enonimö.+ 16 Maʼobö geu moroi ba Libano+ gofu hawaʼoya zoguna khöu, mafazökhi ia tobali rake, mafatörö ba nasi numalö ba Yafo,+ ba yaʼugö dania zolohe moroi ba daʼö ofeta ba Yeruzalema.”+

17 Lö ara, iʼerai fefu Selomo niha si fatewu ba danö Gizaraʼeli,+ simane fangerai si no irai ifalua amania Dawido,+ ba faʼatora yaʼia daʼö 153.600. 18 So 70.000 ba gotaluara nifataronia tobali sonoro,* 80.000 zanaba kara+ ba hili, ba 3.600 zamaigi-maigi sohalöwö.+