Yesaya
28 Alai ndraʼugö takula* nisuno-suno* zi mabu andrö moroi ba Geferai.+
Ha bunga sarakhagö aleu gama-gamania
Ba zuzu ndraso satabö sinanö, naha niha si mabu-mabu!
2 Hiza! Ifatenge Yehowa samösa zabölö ba si lö faʼataʼu.
Iʼabölökö wamazaumba ba gulidanö,
Simane teu esi sabölö-bölö si fao gari mbanua sanudugö,
Simane molö sebua soʼugu-ugu.
4 Bunga sarakhagö aleu si tobali gama-gamania,
Si so ba zuzu ndraso satabö sinanö andrö,
Tobali dania simane bua ara siföföna fatua lö tohare mbaŵa lökhö.
Niha sangila yaʼia hasambalö lateu ba latölö.
5 Ba luo daʼö, tobali takula solakhömi Yehowa samatörö saradadu zorugo andrö hegöi gama-gama si sökhi si so ba högö nono mbanuania si toröi.+ 6 Ibeʼe dania waʼatulö khö ndra sangetuʼö huku. Tobali ia umbu waʼabölö ba niha samofanö udu si möi manuwö ba mbawa göli.+
7 Elungu ndra ere hegöi samaʼeleʼö börö nagu;
Mangole-ngolea wofanöra börö nagu.
Elungu ndra ere hegöi samaʼeleʼö börö duo;
Lö tatu wangera-ngerara börö nagu,
Mangole-ngolea wofanöra börö duo;
Angilata si no latema zamaelungu yaʼira,
Ba lö lafalua wanguhuku si sökhi.+
8 Fefu meza ba no anönö uta si taʼunö;
Sambua lö nahia si lö taʼunö.
9 Lamane, ”Haʼökhö ibeʼe waʼaboto ba dödö,
Ba haʼökhö itutunö duria andrö?
Hadia simane iraono ndraʼaga sawena aefa mamaenu,
Sawena aefa ba mbagi zusu?
10 Börö me iwaʼö, ’Oʼö fareta daʼa, oʼö fareta daʼö,
Oʼö zi no mufakhoi andre, oʼö zi no mufakhoi andrö,*+
Nehegö daʼa, nehegö daʼö.’”*
11 Fahuhuo ia ba soi daʼa iʼogunaʼö niha si no tobaʼa lela hegöi sangogunaʼö li böʼö.+ 12 No irai iwaʼö khöra, ”Daʼa nahia wolombase. Yamolombase niha serege tödö; daʼa nahia wangokafu dödö.” Hizaʼi, lö omasi ira lafondrondrongo.+ 13 Daʼö mbörö wa alua khöra niwaʼö Yehowa andre:
”Oʼö fareta daʼa, oʼö fareta daʼö,
Oʼö zi no mufakhoi andre, oʼö zi no mufakhoi andrö,*+
Nehegö daʼa, nehegö daʼö.”
Toböʼa ira furi me mowaö-waö ira,
Mesokho ira, lafaʼala ba laraʼu.+
14 Andrö mifondrondrongo niwaʼö Yehowa, yaʼami niha sebua gambaoho,
Samatörö ono mbanua Yeruzalema,
15 Börö me miwaʼö:
Na alua molö sebua,
Lö göna ndraʼaga daʼö,
Börö me no malumöʼö ndraʼaga barö walimosa
Ba no mabiniʼö ndraʼaga ba waya-faya.”+
16 Daʼa niwaʼö Yehowa Lowalangi Fondrege Zalawa:
”Ba Ziona, ubeʼe gara si no tetandraigö tobali fondrasi,+
Lö ataʼu niha samati khönia.+
Tehori dania nahia wolumöʼö ba walimosa andrö,
Ba ifönui idanö nahia mbini-mbini daʼö.
Na alua molö sebua,
Ahori tekiko ami.
19 Ero na alua molö,
Daʼö dania zangohori yaʼami;+
Alua daʼö ero sihulö wongi,
Ba zi maʼökhö hegöi ba zi bongi.
Ha faʼataʼu zameʼe khöra faʼaboto ba dödö hadia zi no larongo.”*
20 Ambö anau naha wemörömi irege tebai mifadölö mbotomi;
Ba no ide-ide nukha si no musoso irege tebai mibaliʼö ambalami.
21 Ifalua dania gohitö dödönia Yehowa simane ba Hili Mbaʼali-werasi;
Mofanö ia simane ba ndraso sahatö ba Gibeona,+
Enaʼö tola ifalua gamuatania, amuatania si lö irai ifalua ba zilalö,
Ba tola ifalua halöwönia, halöwönia sahöli-höli dödö.+
22 Andrö, böi mangoʼaya ami+
Enaʼö lö fandroli zinali wamöbö yaʼami,
Börö me no urongo wa no ihalö gangetula Lowalangi Fondrege Zalawa, Yehowa samatörö saradadu zorugo andrö,
23 Beʼe mbörö dalingau ba fondrondrongo niwaʼögu;
Töngöni ba fondrondrongo wehedegu.
24 Hadia lö iböhöli wamaku tanö niha sohalöwö ba danö,
Ihaogö ba iboboto danö, hizaʼi lö irai ifazawili danömö zinanö?+
25 Me no aefa ifaloʼo dete danö andrö,
Hadia lö ifazawili danömö jiro saitö hegöi jiro safusi,
Ba itanö nasa gandru, sekoi hegöi barli ba nahia si no mutatugöi,
27 Lö laböbörö jiro saitö ba wafa wamöbörö,+
Ba lö laböbörö jiro safusi ba gaolo-gaolo goroba.
Hizaʼi, laböbözi jiro saitö faoma eu,
Ba jiro safusi faoma siʼo.