Nisura Mareko
15 Sihulö wongi sibai, mamagölö fefu ndra Sangetuʼö Huku yaʼia daʼö kafalo gere, sondröniaʼö hegöi sangila amakhoita. Laböbö Yesu ba laʼohe ia föna Wilato.+ 2 Manofu khönia Wilato imane, ”Hadia Razo Niha Yahudi ndraʼugö?”+ Imane Yesu, ”Atulö, simane niwaʼömö.”+ 3 Hizaʼi, oya zi lö duhu niböbögö ndra kafalo gere khönia. 4 Aefa daʼö, ifuli zui isofu khönia Filato imane, ”Hadia lö ötema lira andrö?+ Oya sibai niböbögöra khöu si lö duhu.”+ 5 Hizaʼi, lö manö idema-dema Yesu irege ahöli-höli dödö Wilato.+
6 Ero mufalua Gowasa Fasa, si toʼölönia iʼefasi niha si so ba gurunga Filato gofu haniha niʼandrö niha sato.+ 7 Me luo daʼö, so samösa ndra matua sotöi Baraba, no lakuru ia si fao ira niha si lö sökhi tanö böʼö börö me labunu niha me lalawa famareta. 8 Owulo niha sato ba lafaʼema gangandröwara tefaudu ba zi toʼölö ifalua Filato khöra. 9 Itema lira Filato, ”Hadia omasi ami na uʼefasi Razo Niha Yahudi andrö khömi?”+ 10 Aboto ba dödö Wilato wa labeʼe Yesu ba dangania ira kafalo gere börö waʼafökhö dödöra.+ 11 Hizaʼi, lafaweʼe niha sato ira kafalo gere enaʼö laʼandrö khö Wilato ba wangefaʼö Baraba.+ 12 Ifuli itema lira Filato, ”Na simanö, hadia nifaluagu ba niha nifotöimi Razo Niha Yahudi andrö?”+ 13 Muʼao ira zui, ”Osö ia ba döla geu!”+ 14 Isofu khöra Filato, ”Hadia mbörö? Hadia zala si no ifalua?” Hizaʼi, itugu laʼebuaʼö lira weʼao, ”Osö ia ba döla geu!”+ 15 Börö me omasi ia wangomusoiʼö tödö niha sato, iʼefasi khöra Mbaraba. Ifaböböziʼö Yesu,+ aefa daʼö itouʼö ba dangara enaʼö laʼosö ia ba döla geu.+
16 Aefa daʼö, laʼohe ia ira saradadu ba golayama nomo gubernur, ba lakaoni fefu ndra saradadu enaʼö owulo ira.+ 17 Labeʼe khönia mbaru si ungu laʼa-laʼa,* aefa daʼö lafazökhi dakula moroi ba ndroi ba labeʼe ba högönia. 18 Aefa daʼö, muʼao ira, ”Yaʼahowu Razo Niha Yahudi!”+ 19 Labözi högönia faoma eu* ba ladiloi ia. Latuhi danö fönania ba wangoʼaya yaʼia. 20 Me no aefa laʼoʼaya ia, laheta khönia mbaru si ungu laʼa-laʼa* andrö ba lagati faoma barunia tanö baero. Aefa daʼö, laʼohe ia, laʼosö ba döla geu.+ 21 Lafaso göi samösa niha sanörö daʼö ba wolohe töla geu famakao* khö Yesu. Töinia Simoni, niha Kirene sawena tohare moroi ba mbanua, ama ndra Alesandro faoma Rufu.+
22 Laʼohe ia ba nahia nifotöi Gologata, na lafoʼeluaha yaʼia daʼö ”Naha Gamatela”.+ 23 Latandraigö labeʼe khönia ba daʼö nagu nifaruka emuri,+ hizaʼi lö omasi ia ibadu. 24 Laʼosö ia ba döla geu ba labagi-bagi mbarunia tanö baero, lalau fadahö-dahö ba wotatugöi tana khöra zamösana.+ 25 Laʼosö ia ba döla geu me bözi siwa sihulö wongi.* 26 So göi wafa nisura ba wamöbögö khönia si lö duhu, ösinia: ”Razo Niha Yahudi.”+ 27 Baero daʼö, darua göi zorabu niʼosö ba zingania, samösa ba gambölö ba samösa ba gabera.+ 28* —— 29 Laʼoʼaya-aya ia niha sanörö ba lafalikhö-likhö högöra+ lamane, ”Yaʼugö zangumaʼö ödudugö gosali ba öfuli öfazökhi ha ba zi tölu hari,+ 30 orifi ndraʼugö ba ae tou moroi ba döla geu famakao* andrö!” 31 Laʼoʼaya-aya ia ira kafalo gere hegöi sangila amakhoita lamane, ”Iʼorifi sa niha böʼö, ba tebai iʼorifi ia samösa!+ 32 Keriso, Razo ndraono Gizaraʼeli, akha möi ia tou ba döla geu famakao* andrö enaʼö taʼila ba faduhu dödöda khönia.”+ Laʼoʼaya ia göi niha niʼosö ba zingania.+
33 Iʼotarai bözi 12 waʼalawa luo,* ogömi fefu mbanua daʼö irugi bözi 3 tanö owi.*+ 34 Mato bözi 3 tanö owi, muʼao Yesu ebua linia, ”Eli, Eli, lama sabakhtani?” na lafoʼeluaha, ”He Lowalangigu, he Lowalangigu, hana wa öröi ndraʼo?”+ 35 So ösa zosindro ba daʼö, me larongo wehede Yesu lamane, ”Hiza! Ikaoni Gelia.” 36 Iʼanemaiʼö fagohi samösa niha ba wangai bulu gara nasi, iʼungu bakha ba nagu saisö ba ibeʼe ba mbalö geu. Aefa daʼö ifabadugö khö Yesu.+ Imane, ”Ha iʼagö manö daʼö! Datafaigi hadia tohare Gelia ba wanolo yaʼia.” 37 Iʼebuaʼö linia Yesu weʼao ba aetu nosonia.+ 38 Hiza, asika nukha mbaʼa-baʼa ba naha niʼamoniʼö,+ tebagi dua iʼotarai si yawa numalö mitou.+ 39 So gumandru zaradadu sozizio ba sanarogö yaʼia ba daʼö. Iʼila fefu zalua me mate Yesu ba imane, ”Sindruhu wa Ono Lowalangi ia.”+
40 So göi ndra alawe samaigi-maigi moroi ba zaröu. Ba gotaluara, so Maria Magadala, Maria ina Yakobo Side-ide ba Yose hegöi Salome.+ 41 Yaʼira andre zi toʼölö fao awö Yesu hegöi sanolo yaʼia ba wangaʼasogö soguna khönia+ me so ia ba Galilaia, ba so göi ndra alawe tanö böʼö si fao khönia ba Yeruzalema.
42 Me arakhagö bongi, ba börö me luo Wangöhöna ba ginötö daʼö, fatua lö luo Sabato, 43 tohare Yosefo moroi ba Garimatea, yaʼia andre niha nifosumange ba gödo Zangetuʼö Huku niha Yahudi. Idöna-döna göi Wamatörö Lowalangi, andrö lö ataʼu ia wangondrasi Filato, iʼandrö mboto Yesu si no mate.+ 44 Hizaʼi, omasi Wilato na iʼila hadia sindruhu no mate Yesu. Börö daʼö, ikaoni zaradadu andrö ba wanofu hadia no mate ia. 45 Me no ifatunö khönia saradadu andrö, awena ibeʼe mboto Yesu khö Yosefo. 46 Me no aefa iʼöli nukha si sökhi ba ibeʼe tou mboto Yesu, ibukusi ba nukha si sökhi andrö, ba ifadölö ba lewatö+ si no lakhao ba narö gara. Aefa daʼö, ifagaölö gara sebua ba wondruhö lewatö andrö.+ 47 Hizaʼi, Maria Magadala hegöi Maria ina Yose, lö labato wamaigi-maigi lewatö Yesu.+