Amaedola
28 Moloi niha si lö sökhi hewaʼae na lö solohi yaʼia,
2 Na so wamadaö* ba zi sambua soi, ba falali zamatörö,+
Hizaʼi börö wanolo niha sangokhögö faʼatua-tua ba faʼaboto ba dödö, andrö wa ara mamatörö zi samösa niha.*+
3 Niha si numana solimo sambö faʼabölö+
Simane teu sangahanigö balazo maʼafefu.
4 Niha sangosiwawöi huku isuno niha si lö sökhi,
Hizaʼi mofönu khöra niha samalua huku.+
5 Lö aboto ba dödö niha si lö sökhi nifotöi faʼatulö,
Hizaʼi ba niha sangalui Yehowa, ahori aboto ba dödönia fefu hadia ia.+
7 Ono si so faʼaboto ba dödö iʼoʼö goroisa,
Hizaʼi si fariawö ba niha soluʼa-luʼa iʼailasi namania.+
8 Niha sangebuaʼö haratonia börö hare ba walimosa+ hegöi ba wamobunga kefe
Iʼowuloi daʼö ba niha sangahakhösi tödö si numana.+
10 Niha samaelungu sadölö tödö ba lala si lö sökhi, ba aekhu dania ia ba lösu-lösu andrö khönia,+
Hizaʼi itema zi sökhi niha samalua si sökhi.+
11 Niha si kayo atua-tua ia ba wamaiginia,+
Hizaʼi niha si numana si so faʼaboto ba dödö iʼila hewisa ia zindruhunia.+
12 Na mamatörö niha satulö ba omuso dödö nono mbanua,
Hizaʼi na mamatörö niha si lö sökhi ba labiniʼö ira niha sato.+
15 Simane singo siʼao ba berua solohi ahulua,
Simane daʼö na mamatörö niha si lö sökhi ba nono mbanua si lö faʼabölö.+
16 Sondröniaʼö si lö faʼaboto ba dödö iʼogunaʼö waʼabölönia ba zi fasala,+
Hizaʼi si fatuwu ba zölö-sölö iʼanauʼö nosonia.+
17 Niha soʼömö do börö wamunu niha, lagohi ia ofeta ba mbawa lewatö.+
Böi mitolo niha simane daʼö.
19 Niha sohalöwö ba danö ba fahöna dania mbalazonia,
Hizaʼi solohi ngawalö zi lö guna ba aekhu dania ia ba waʼanumana.+
20 Niha si lö faröi ba oya dania itema howu-howu,+
Hizaʼi niha somasi alio kayo ba lö aefa ia wamalua sala.+
21 Lö sökhi na ebua dödö zambuana;+
Hizaʼi tola ifalua zala si samösa niha börö zi safoto roti.
22 Niha samaʼuʼu,* iforege wolohi faʼakayo,
Ba göna ia faʼanumana ba zi lö idöna-döna.
24 Niha sorabu amania hegöi inania ba sangumaʼö, ”Lö fasala daʼö,”+
Tobali ia awö niha samakiko.+
26 Samaduhusi tödönia ba lafotöi daʼö niha si bodo,+
Hizaʼi teʼefaʼö dania niha sanörö lala waʼatua-tua.+
27 Niha samuala ba zi numana ba lö moʼamböta ia,+
Hizaʼi samalugö hörönia ba göna ira fangelifi.
28 Na mamatörö niha si lö sökhi ba labiniʼö ira niha sato,
Hizaʼi na tehori dania ira ba monönö waʼato niha satulö.+