Sinunö
Khö zondröniaʼö sinunö. Sinunö Dawido. Sambua sinunö.
68 Yamaoso Lowalangi, yaʼoi zara fabali zi faʼudu khönia,
Ba yamoloi fönania niha si fatiu tödö khönia.+
2 Yaʼöfofanö ira simane simbo niʼoloiʼö nangi;
Yatehori fefu niha si lö sökhi föna Lowalangi+
Hulö lili* sowöi börö galitö.
3 Hizaʼi, yaʼomuso dödö niha satulö;+
Yaʼowua-wua dödöra föna Lowalangi.
Yaʼomuso dödöra waʼiki.
4 Miʼanunö khö Lowalangi; miʼanunöisi zinunö fanuno* ba döinia.+
Miʼanunö khö Lowalangi si no manöröi tanö si mate.*
Yehowa* döinia!+ Miʼomusoiʼö dödömi khönia!
6 Lowalangi dania zameʼe omo ba niha si lö tötönafö;+
Iʼefaʼö niha nikuru ba ohahau dödöra ba waʼaurira ibeʼe.+
Hizaʼi, ba danö si mate laʼiagö niha sabeʼe högö.*+
8 Modögö danö;+
Iduwagö deu talu mbanua börö Lowalangi;
Modögö Hili Zinaʼi andre börö Lowalangi, Lowalangi Gizaraʼeli.+
9 He Lowalangi, ötorugö deu sabölö-bölö;
Öʼokafui dödö nono mbanuamö* sowökhi tödö.
10 Ba nosemö toröi ira;+
He Lowalangi, börö waʼasökhi dödöu wa öʼasogö zoguna ba niha si numana.
11 Ibeʼe goroisa Yehowa;
Ira alawe sanuriaigö turia somuso dödö andrö hulö ngawawa zaradadu sebua.+
12 Moloi razo-razo awö ndra saradadura!+ Moloi ira!
Harato si no murabu ba labagi-bagi khö ndra alawe si toröi ba nomo.+
13 Hewaʼae mifadölö ami ba zinga ndrundrunga mbaho geu,*
So dania marafadi si no mufalaete afi faoma firö,
Balö gafinia tefazökhi moroi ba ganaʼa si sökhi.*
14 Me ifoloi fefu razo-razo ba soi daʼö Fondrege Zabölö,+
Aekhu deu esi ba Hili Zalomono.
16 Yaʼami zuzu hili, hana wa afökhö dödömi wamaigi
Ba daʼö toröi Yehowa sagötö faʼara.+
17 Ngafulu ribu waʼoya gureta wasuwöta khö Lowalangi, ngafulu ribu winaeta waʼoyania.+
Tohare Yehowa moroi ba Hili Zinaʼi numalö ia ba nahia niʼamoniʼö.+
18 Möi ndraʼugö miyawa ba nahia salawa;+
Öʼohe niha nitiboʼö;
Öbaliʼö ira buala ba niha,+
Ba öʼohe göi niha sabeʼe högö,+ enaʼö toröi ndraʼugö ba gotaluara, yaʼugö Lowalangi Yehowa.*
19 Yatesuno Yehowa solohe noroda ero maʼökhö,+
Lowalangi sindruhu sangorifi yaʼita. (Sela)
20 Ba khöda, Lowalangi sindruhu andrö Lowalangi sangorifi yaʼita;+
Ba Yehowa, Lowalangi Fondrege Zalawa, sangefaʼö yaʼita moroi ba waʼamate.+
22 Imane Yehowa, ”Ufuli uʼohe ira moroi ba Mbazana;+
Uʼohe ira yawa moroi ba nasi sabakha,
23 Enaʼö tola ösasai gaheu ba ndro zi faʼudu khöu,+
Ba asumö dania zamelai dora.”
24 He Lowalangi, laʼila höngö-höngö waʼamönamö,
Höngö-höngö Lowalangigu, Razogu si numalö ba nahia niʼamoniʼö.+
25 Mowaö-waö föna zanunö, ba moroi furi so zamoli fakake zinunö nifosinali;+
So ba gotaluara ndraono alawe samözi tamburu.+
26 Suno Lowalangi ba gotalua nono mbanuania sato;
Misuno Yehowa, yaʼami si otarai Gumbu Gizaraʼeli.+
27 No ikalaisi ngawalö soi Beniami siakhi andrö,+
Simanö göi ndra sondröniaʼö Yehuda awö niha sato si fao khöra ba wanguhu-nguhugö,
Ira sondröniaʼö Zebuloni, ira sondröniaʼö Nafetali.
28 No ihonogöi Lowalangimö wa sabölö ndraʼugö dania.
Foromaʼö waʼabölömö, yaʼugö Lowalangi, yaʼugö zi maoso salahima.+
30 Kalaisi gutu ndruʼu sauri ba gotalua goʼo,
Ngawawa zawi si matua+ awö nononia,
Irege mangalulu fefu soi ba laʼohe* ngawua wirö.
Hizaʼi ifazawili fefu soi somasi fasuwö.
31 Laʼohe dania gama-gama tembaga moroi ba Miserai;+
Iʼaliokö Kusi wolohe buala khö Lowalangi.
32 Miʼanunö khö Lowalangi,+ yaʼami famatörö si so ba gulidanö,
Miʼanunö* khö Yehowa, misuno ia, (Sela)
33 Yaʼia zoʼanöröi talu mbanua fondrege zalawa si no so iʼotarai mböröta.+
Mifaigi! Moʼugu linia, ebua linia.
34 Faduhuʼö waʼabölö Lowalangi.+
Ba Gizaraʼeli oroma wamatörönia,
Ba faʼabölönia zi so ba dalu mbanua.*
35 Sahöli-höli dödöda Lowalangi andrö me iforomaʼö ia moroi ba nahania* niʼamoniʼö solakhömi.+
Yaʼia Lowalangi Gizaraʼeli,
Sameʼe faʼabölö hegöi kuaso ba nono mbanuania.+
Yatesuno Lowalangi.