Sinunö
Sinunö Dawido.
28 He Yehowa, Gowe Saro ndraʼugö khögu,+ lö aetu muʼao ndraʼo khöu;
Böi duhö dalingamö.
Na lö manö hede-hedemö,
Ba hulö niha si möi tou ba mbawa lewatö ndraʼo.+
2 Fondrondrongo na muʼao ndraʼo ba wangandrö fanolo,
Na ufazawa dangagu gamaudu nahia tanö bakha ba naha niʼamoniʼö andrö khöu.+
3 Böi huku ndraʼo fao ba niha si lö sökhi, fabaya niha somasi mamakao awönia,+
Salösö li na fahuhuo, hizaʼi lö sökhi bakha dödö.+
4 Sulöni nifaluara,+
Moloʼö faʼalösökhira.
Sulöni gamuatara,
Moloʼö ba nifaluara.+
5 Lö ba dödöra nifalua Yehowa+ hegöi nifazökhi dangania.+
Idudugö ira
Ba lö ifuli ifazökhi.
6 Nisuno Yehowa,
Börö me ifondrondrongo wangandrögu.
No itolo ndraʼo ba omuso dödögu,
Usuno ia faoma sinunögu.
8 Yehowa zangabölöʼö ono mbanuania;
Hulö mbaʼa-baʼa ia. Iʼefaʼö niha nibayoininia.+
9 Efaʼö nono mbanuamö ba fahowuʼö dana khöu.+
Kubaloi ira ba sakhei ira faoma taʼiomö irugi zi lö aetu.+