Sinunö

132 He Yehowa, törö tödöu Dawido

Ba fefu wamakao salua khönia;+

 2 Möi ia ba hölu khö Yehowa,

Fawuʼu li ia khö Wondrege Zabölö, Lowalangi Yakobo,+

Lö ufadölö ndraʼo ba naha wemörögu, ba farategu;

 4 Lö utehegö manuköu ndraʼo,

Mazui mömbö guli hörögu

 5 Irege no usöndra nahia khö Yehowa,

Nahia waʼatoröi si sökhi* khö Wondrege Zabölö, Lowalangi Yakobo.”+

 6 No marongo duriania ba Eferata;+

No masöndra ia ba gatua sebolo.+

 7 Aine, möi ita bakha ba nahia si toröi yaʼia;*+

Datatuhi danö gamaudu dane-dane gahenia.+

 8 Faoso yaʼugö Yehowa, aeʼe ba nahia wolombasemö,+

Yaʼugö hegöi Tawöla andrö tandra waʼabölöu.+

 9 Yalaʼonukha zindruhu ira ere khöu,

Ba yaʼomuso dödö ndra enonimö si lö faröi.

10 Börö genonimö Dawido,

Böi timbagö* niha si no öbayoini.+

11 No möi ba hölu Yehowa khö Dawido;

Lö isawö zi no iwaʼö,

”Samösa dania moroi ba maʼuwumö

Nifatarogu ba dadaomamö.+

12 Na lö faröi ndraonomö ba mbuʼusa ligu

Hegöi ba wamasugi ba dödö nifahaʼögu khöra,+

Modadao dania ndraonora

Ba dadaomamö sagötö faʼara.”+

13 Börö me no ifili Ziona andrö Yehowa;+

Omasi ia na daʼö dania nahia waʼatoröinia,+ andrö imane,

14 ”Daʼa nahia wolombasegu sagötö faʼara;

Ba daʼa toröi ndraʼo,+ börö me daʼö zomasido.

15 Ufahowuʼö dania ia ba uhöna khönia mbalazo;

Uʼabusoiʼö nono mbanuania si numana faoma roti.+

16 Ufobaru dania ndra ere khönia faoma fangorifi,+

Ba omuso dödö nono mbanuania si lö faröi.+

18 Uʼailasi dania zi faʼudu khönia,

Hizaʼi, monönö waʼebua dakula ba högönia.”+