Sinunö
Khö zondröniaʼö sinunö: Tefaudu moloʼö ”Bunga Lili”. Sambua famasugi ba dödö. Sinunö Gasafo.+ Sambua sinunö.
80 Fondrondrongo yaʼugö kubalo Gizaraʼeli,
Yaʼugö zanuturu lala khö Yosefo simane ngawawa mbiri-biri.+
Foromaʼö hagamö
Yaʼugö si dadao yawa* ndra kerubi,+
2 Foromaʼö waʼabölömö,+
Föna Geferai, Beniami, ba Manase;
Aeʼe ba efaʼö ndraʼaga.+
3 He Lowalangi, yaʼöfuli öforomaʼö khöma waʼasökhi dödöu;+
4 He Yehowa Lowalangi kafalo saradadu, hawaʼara tebato wönumö ba nono mbanuamö ba lö öfondrondrongo gangandröwara?+
5 Öbaliʼö öra roti nidanö höröra,
Ba öfabadugö khöra dawa hörö si no fahöna.
6 Ötehegö faʼudu zi faola omo khöma ba wamadöni yaʼaga;
Laʼoʼaya ndraʼaga si faʼudu khöma ba zomasi dödöra.+
7 He Lowalangi samatörö saradadu zorugo, yaʼöfuli öforomaʼö khöma waʼasökhi dödöu;
8 Öheta nono mbanuamö ba Miserai simane tanömö nagu.+
Öfofanö fefu soi ba ötanö danömö nagu andrö khöu.+
9 No öhenaigö khönia danö ba wananö agu,
Ba mowaʼa ia irege ibalugö fefu soi daʼö.+
10 Tebalu hili-hili ba lumönia,
Ba tebalu geu eresi nitanö Lowalangi börö ndrahania.
11 No ibologö ndrahania ofeta ba nasi,
Ba ofeta liwiönia ba Nungo Nidanö Oiferati.+
13 Isulagö ia sökha,
Ba utu ndruʼu zi manga yaʼia ba mbenua.+
14 Angawuli, yaʼugö Lowalangi samatörö saradadu zorugo.
Faigi moroi ba zorugo ba nehegö!
16 Latunu ia+ ba lataba.
Tehori nono mbanuamö andrö börö me öfetaʼu ira.*
17 Yaʼitolo tangamö niha si so ba gambölömö,
Ono niha niʼabeʼeʼömö andrö ba wamolakhömi yaʼugö.+
18 Ba lö mafandröndröu ndraʼaga khöu.
Rorogö ndraʼaga enaʼö auri, enaʼö maʼila makaoni döimö.